ស៊ឹម ប៊ុនស្រ៊ន់ ចង់វាយចិន ឲ្យសន្លប់ដើម្បីសងសឹកឲ្យមិត្តរួមក្រុម
- 2017-11-23 00:00:00
- ចំនួនមតិ 0 | ចំនួនចែករំលែក 0
ស៊ឹម ប៊ុនស្រ៊ន់ ចង់វាយចិន ឲ្យសន្លប់ដើម្បីសងសឹកឲ្យមិត្តរួមក្រុម
ចន្លោះមិនឃើញ
អ្នកប្រយុទ្ធ MMA កម្ពុជា ស៊ឹម ប៊ុនស្រ៊ន់ បានប្រកាន់ជំហរថា នឹងវាយកីឡាករចិន Miao Li Tao ឲ្យដេកមិនឲ្យផុតទឹក៣ ដើម្បីជាថ្នូរដែលមិត្តរួមក្រុម ថៃ រិទ្ធិនិង ផាត់ សូដា ធ្លាប់ចាញ់ក្រោមដៃកីឡាករចិនកាលពីពាក់កណ្ដាលខែកន្លងទៅនាប្រទេសហ្វីលីពីន។
ក្រៅវី ស្រីខួច ប៊ុនស្រ៊ន់ក៏ជាបេក្ខភាពកម្ពុជាមួយរូបចូលរួមក្នុងព្រឹត្តិការណ៍ One Championship: ONE: IMMORTAL PURSUIT នាប្រទេសសិង្ហបុរី ហើយត្រូវប្រកួតគូទី១ដែលមានការផ្សាយផ្ទាល់លើផេកហ្វេស៊ុក One Championship។ កាលពីថ្ងៃទី ១០ ខែ វិច្ឆិកា កីឡាករ ថៃ រិទ្ធិនិង ផាត់ សូដា ដែលមកពីក្លឹប Cambodian Top Team សុទ្ធតែភ្លាត់ស្នៀតចាញ់កីឡាចិន។ ប៉ុន្តែលើកនេះ ប៊ុនស្រ៊ន់សុំចូលខ្លួនមកសងសឹកឲ្យមិត្តខ្លួន បន្ទាប់ពីមានឱកាសជួបកីឡាចិនម្នាក់ទៀត។
“លើកនេះខ្ញុំរំពឹងក្នុងចិត្ត៨០% អាចថាសងសឹកដល់មិត្តរួមក្លឹបរបស់ខ្ញុំបាន។ សម្រាប់ការប្រកួតខ្ញុំបានរៀបចំខ្លួនជាងមួយខែជាង អញ្ចឹងការហ្វឹកហាត់របស់ខ្ញុំបានពេញលេញជាងរាល់ដង។ ខ្ញុំធ្លាប់ឃើញដៃគូខ្ញុំវាយ គេពូកែម៉ាត់ដៃស្ដាំ ហើយគេមិនដែលជួបកីឡាករកម្ពុជាពីមុនមកទេ។ បើអាចចង់វាយគេឲ្យសន្លប់"។ សម្ដី ប៊ុនស្រ៊ន់។
ការប្រកួតងព្រឹត្តិការណ៍ One Championship: ONE: IMMORTAL PURSUIT នឹងចាប់ផ្ដើមផ្សាយផ្ទាល់លើហ្វេសប៊ុកចាប់ពីម៉ោង៦តទៅ៕