រដ្ឋាភិបាលចិន បិទមិនឲ្យទាញយកកម្មវិធី Skype ក្នុងប្រទេសខ្លួន

2017-11-23 03:42:58
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីសម្រាប់ Call និងផ្ញើសារតាមរយៈប្រព័ន្ធអ៊ីនធឺណិត Skype ត្រូវបានបិទចោលមិនឲ្យ Download នៅលើ Apple Store និង Google Play Store ក្រោយរដ្ឋាភិបាលប្រកាសថាពុំមានការគោរពច្បាប់ក្នុងស្រុក។

ស្ថាបនិកកម្មវិធី Skype ដែលជាក្រុមហ៊ុន Microsoft បានថ្លែងប្រាប់សារព័ត៌មាន BBC ថា "កម្មវិធីខ្លួនត្រូវបានគេបិទចោលជាបណ្ដោះអាសន្ន ហើយពួកយើងកំពុងធ្វើការដោះស្រាយបញ្ហាឲ្យវិលមកសភាពដើមវិញឲ្យបានឆាប់តាមដែលអាចធ្វើទៅបាន" ។ ប្រភពដដែលបន្ត "យើងចង់ផ្ដល់អត្ថប្រយោជន៍នៃកម្មវិធី Skype ទៅកាន់អ្នកប្រើប្រាស់ជុំវិញពិភពលោក ដើម្បីសម្រួលដល់ការទំនាក់ទំនងនិងសហការគ្នា" ។

រំឭកថាកន្លងទៅនាខែកក្កដា Microsoft បានបដិសេធការផ្ដាច់ចោលនូវបណ្ដាញ VPN ចំនួន ៦០ ដែលជាសំណើនៃច្បាប់របស់រដ្ឋាភិបាលចិន ម្ល៉ោះទើបជាដើមទងបង្កឲ្យមានបញ្ហានៅថ្ងៃនេះ។ ស្របពេល Apple កាលពីថ្ងៃអង្គារ បានប្រកាសជាសាធារណៈខ្លួនបានសម្រេចលុបចោលនូវបណ្ដាញ VPN ចំនួន ៦៧៤ កម្មវិធីគិតតាំងពីដើមឆ្នាំនេះ ដោយមិនចង់បំពានលើសំណើរដ្ឋាភិបាលក្នុងស្រុកសំណូមពរឡើយ៕