ដឹងវិធីនេះ ដឹងតែជួយឲ្យធ្មេញកូនតូចៗ មានសុខភាពរឹងមាំ

2017-11-23 07:03:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ឪពុកម្តាយជាអ្នកដើរតួសំខាន់ក្នុងការជួយថែរក្សាធ្មេញកូនតួចរបស់ខ្លួនឲ្យរឹងមាំនៅដំណាក់កាលដំបូងដែលកូនតូចរបស់ពួកគាត់ទើបដុះធ្មេញ។ ថ្វីត្បិតតែកុមារតូចទើបតែដុះធ្មេញព្រៃបានចំនួនពីរឬលើសពីនេះក៏ពិតមែន តែធ្មេញទាំងនេះក៏ត្រូវការដុះសម្អាតផងដែរ ដើម្បីជួយកំចាត់កាកសំណល់នានាដែលជាប់នៅនឹងធ្មេញកូនតូចនេះ។

លោក សួង ផល្លី ទន្តបណ្ឌិត នៅមន្ទីរព្យាបាលធ្មេញសកល លើកឡើកឡើងថាកុមារតូចអាចចាប់ផ្តើមដុះធ្មេញព្រៃនៅអាយុប្រាំបីខែ ហើយថាពេលធ្មេញនេះដុះចេញមកឪពុកម្តាយមានភារៈជួយសម្អាតដើម្បីឲ្យធ្មេញមានសុខភាពល្អ។

(លោក សួង ផល្លី ទន្តបណ្ឌិត នៅមន្ទីរព្យាបាលធ្មេញសកល ពន្យល់ពីវិធីសម្អាតធ្មេញឲ្យកុមារតូច) )

វីធីសម្អាតលោកទន្តបណ្ឌិតរូបនេះបញ្ជាក់ថាឪពុកម្តាយត្រូវប្រើកំប្រេស ពាក់នៅចង្អុលដៃ ដើម្បីដុសសម្អាតធ្មេញទាំងនេះឲ្យបានម្តងក្នុងមួយថ្ងៃ។ កំប្រេសនេះលោកថាអាចរកទិញបាននៅតាមឱសថស្ថាន ឬនៅតាមម៉ាតនានា។

ជាងនេះទៅទៀតនៅពេលកូនចាប់ផ្តើមចេះនិយាយស្តាប់គ្នាបានលោកថាឪពុកម្តាយត្រូវទម្លាប់បង្ហាត់កូនឲ្យចេះដុសធ្មេញដោយខ្លួនឯង ដើម្បីឲ្យកូនមានទម្លាប់ល្អក្នុងការសម្អាតធ្មេញពេលធំឡើង។

លោក សួង ផល្លី ណែនាំដល់អាណាព្យាបាលកុំឲ្យកូនបរិភោគអាហារ ឬភេសជ្ជៈណាដែលមានជាតិស្ករខ្ពស់ ដែលជាតិស្ករនេះជាផ្នែកមួយធ្វើឲ្យធ្មេញពុក។ លោកបន្ថែមថាៈ « មិនត្រូវឲ្យគាត់ញ៉ាំស្ករគ្រាប់ដែលគាត់ទៅទិញតាមតូបអីហ្នឹង បើអាចហាមផ្តាច់តែម្តង ហើយដូចជាផ្លែមៀន ទឹកក្រូចទឹកអីនេះត្រូវកាត់បន្ថយឲ្យបានច្រើន អាជាតិស្ករជាប់នឹងធ្មេញគាត់ហ្នឹងហើយ ដែលគាត់សម្អាតមិនបានស្អាត ក្លាយជាបាត់តេរីធ្វើឲ្យធ្មេញគាត់ពុក»។

លោកឲ្យដឹងទៀតថាពេលកុមារឈានចូលដល់ អាយុប្រាំមួយឆ្នាំអាណាព្យាបាលគួរនាំកូនមកជួបពេទ្យជាប្រចាំ ដោយថាមួយឆ្នាំចំនួនពីរដងដូចមនុស្សធំដែរ ដើម្បីពិនិត្យ និងព្យាបាលធ្មេញ ឲ្យមានសុខភាពរឹងមាំ។

លោកបន្ថែមថាៈ «នាំគាត់មកជួបគ្រូពេទ្យដូចមនុស្សធំដែរ គឺប្រាំមួយខែម្តង ដើម្បីឲ្យគ្រូពេទ្យគាត់មានថ្នាំៗពិសេសរបស់គេ Fluorides លាបសម្រាប់ការពារកុំឲ្យធ្មេញពុក អ៊ីចឹងមានតែគ្រូពេទ្យទេដែលអាចមានថ្នាំហ្នឹង»។

លោក ទន្តបណ្ឌិត សួង ផល្លី ណែនាំថាដើម្បីឲ្យធ្មេញមានសុខភាពរឹងមាំ ការពិសារបន្លែផ្លែឈើដូចជាក្រូច ទំពាំងបាយជូរ ល្ហុង ត្របែក ផ្កាខាត់ណា ស្ពៃក្តោប សណ្តែកគួ និងពោតបារាំង ជាដើមសុទ្ធតែផ្តល់ផលល្អដល់សុខភាពធ្មេញ៕

អត្ថបទ៖ ទូច សុខា

ពាក្យទាក់ទង

សុខភាព

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

Pep មិនទាន់សម្រេចអនាគត Joao Cancelo នៅ Man City ទេ

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ