ញាក់សាច់! មុនទៅប្រកួត Miss Universe ប៊ី សុធារី ធ្លាប់លើកពានជាច្រើនពីអន្តរជាតិ (វីដេអូ)
- 2017-11-27 03:40:00
- ចំនួនមតិ 0 | ចំនួនចែករំលែក 0
ញាក់សាច់! មុនទៅប្រកួត Miss Universe ប៊ី សុធារី ធ្លាប់លើកពានជាច្រើនពីអន្តរជាតិ (វីដេអូ)
ចន្លោះមិនឃើញ
មិនត្រឹមតែមានទេពកោសល្យ និងរូបសម្ផស្សស្រស់សោភានោះទេ បវរកញ្ញាចក្រវាលទី១តំណាងកម្ពុជា ប៊ី សុធារី គឺជាបេក្ខភាពតារាម៉ូដែល និងកញ្ញាឯកម្នាក់ដែលត្រូវបានគេកត់សម្គាល់ថា មានធ្លាប់ចេញទៅបង្ហាញមុខលើឆាកអន្តរជាតិជាច្រើនលើក ថែមទាំងធ្លាប់នាំយកពានរង្វាន់ មកកាន់មាតុប្រទេសវិញទៀតផង។
ថ្លែងក្នុងពិធីជប់លៀងមុនចេញដំណើរទៅប្រកួតក្នុងកម្មវិធី Miss Universe ឆ្នាំ២០១៧ ប៊ី សុធារី ប្រាប់ Sabay ថា នេះមិនមែនជាលើកទី១ទេដែលនាងបានចេញទៅប្រកួតលើឆាកអន្តរជាតិ ពោលគឺនាងបានចេញទៅជាច្រើនលើកច្រើនសារហើយ ដោយក្នុងកម្មវិធីខ្លះនាងមិនទទួលបានជោគជ័យ តែកម្មវិធីខ្លះទៀត នាងទទួលបានលទ្ធផលល្អគួរជាទីមោទនៈ។
បវរកញ្ញាកម្ពុជាដែលមានកម្ពស់ ១៧៥ សង់ទីម៉ែត្រ លម្អិតថា បទពិសោធន៍ដំបូងក្នុងការឈានជើងទៅប្រកួតលើឆាកអន្តរជាតិ គឺនៅប្រទេសកូរ៉េក្នុងកម្មវិធី Asia New Star Model Contest ឆ្នាំ២០១៣ ដែលជាកម្មវិធីប្រកួតបង្ហាញម៉ូដលំដាប់អាស៊ី ហើយមានបេក្ខភាព៣រូបពីកម្ពុជាចូលរួម តែកាលណោះនាងមិនទទួលបានជោគជ័យនោះទេ។
នៅឆ្នាំដដែល សុធារី បានបង្ហាញខ្លួន ក្នុងកម្មវិធីប្រកួតសម្រស់១ មានឈ្មោះថា Miss ASEAN 2013 ដែលធ្វើឡើងនៅ ខេត្តឈាងរ៉ៃប្រទេសថៃ។ ជាអកុសល នាងមិនទទួលបានលទ្ធផលល្អឡើយ បានត្រឹមតែបទពិសោធន៍មកវិញប៉ុណ្ណោះ។
មកដល់ឆ្នាំ២០១៤ ស្រីស្អាតខាងលើបានចេញដំណើរទៅប្រទេសថៃម្ដងទៀត ដើម្បីប្រកួតក្នុងកម្មវិធី Miss Southeast Asian 2014។ លើកទី៣នេះ នាងទទួលបានពានដល់ទៅ២គឺ Miss Elgant និង Best in Evening Wear។
ឆ្លងកាត់ការប្រកួតជាច្រើនលើក យុវតីវ័យ១៩ឆ្នាំរូបនេះ បានបោះជំហានចូលប្រកួតក្នុងកម្មវិធីកាន់តែធំឡើងៗ ដោយនៅឆ្នាំ២០១៥ នាងបានតំណាងកម្ពុជាចូលរួមកម្មវិធី Super Model International 2015 នៅហ្វីលីពីន ដែលមានបេក្ខភាពមកពី៤០ប្រទេសចូល ហើយនាងបានលើកពាន់ជាកំពូលម៉ូដែលចំណាត់ថ្នាក់លេខ៣ថែមទៀតផង។
ក្រោយក្លាយជាម្ចាស់មកុដ Miss Cambodia ឆ្នាំ២០១៦ សិស្សវិទ្យាល័យដែលមានអាជីពជាតារាបង្ហាញម៉ូដ និងជាកីឡាការិនីបាល់ទះប្រចាំសាលានេះ បានក្លាយជាបេក្ខនារីខ្មែរទី១តំណាងកម្ពុជា ចូលរួមកម្មវិធីប្រកួតសម្រស់ធំជាងគេលើពិភពលោក គឺបវរកញ្ញាចក្រវាល ឬ Miss Universe ឆ្នាំ២០១៧ នៅទីក្រុង Las Vegas សហរដ្ឋអាមេរិក។
លទ្ធផល ត្រូវបានប្រកាសកាលពីយប់ថ្ងៃទី ២៦ខែ វិច្ឆិកា ម៉ោងនៅ Las Vegas ឬព្រឹកថ្ងៃទី២៧ ខែវិច្ឆកា ឆ្នាំ២០១៧ ម៉ោងនៅភ្នំពេញ ដោយម្ចាស់មកុដបវរកញ្ញាកំពូលសម្រស់អាណត្តិថ្មី គឺបានទៅលើ បវរកញ្ញា Demi Leight Nel- Peter មកពីប្រទេសអាហ្រិកខាងត្បូង។ ផ្ទុយទៅវិញ សុធារី មិនទទួលបានជោគជ័យឡើយ តែនាងនៅតែទទួលបានការគាំទ្រ និងលើកទឹកចិត្តជាហូរហែពីអ្នកគាំទ្រកម្ពុជា៕
ចុចអាន៖