ក្រុមថ្មីសមាជិកចាស់ Prestiges អត់ញញើតក្រុមណាឡើយជើងឯកជាតិ E-Sports

2017-11-27 04:51:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតកីឡាអេឡិចត្រូនិកជ្រើសរើសជើងឯកជាតិឆ្នាំ២០១៧ជុំផ្តាច់ព្រ័ត្រនឹងចាប់ផ្តើមនាដើមខែធ្នូខាងមុខនេះហើយដែលប្រជុំដោយជើងខ្លាំងសំបូរបទពិសោធច្រើន ប៉ុន្តែក្រុមថ្មី Prestiges មិនខ្លាចញញើតក្រុមណាមួយឡើយ។

ក្រុម Prestiges

កីឡាករ ឡាវី ប្រធានក្រុម Prestiges បានឲ្យដឹងថា ក្រុមរបស់ខ្លួនទើបបានបង្កើតឡើងក្នុងឆ្នាំ២០១៧នេះ និងជាលើកដំបូងដែលបានចូលរួមប្រកួតជ្រើសរើសជើងឯកថ្នាក់ជាតិនេះ។ ទោះជាក្រុមថ្មីទើបបង្កើតឡើង ប៉ុន្តែសមាជិកទាំង៥នាក់សុទ្ធតែកីឡាករចាស់ៗដែលមានបទពិសោធច្រើនដូចគ្នា។ សមាជិករបស់ខ្លួនមាន៣នាក់ជាអតីតសមាជិករបស់ក្រុមខ្លាំង Never Care និង២នាក់ជាអតីតសមាជិកក្រុមរបស់ You Will Know។

ពាក់ព័ន្ធនឹងការប្រកួតជុំផ្ដាច់ព្រ័ត្រនាពេលខាងមុខនេះ ឡាវីបានឲ្យដឹងថា ក្រុមទាំងអស់ដែលទទួលបានកៅអីមកជុំផ្តាច់ព្រ័ត្រឆ្នាំ២០១៧នេះមានសមត្ថភាពប្រហាក់ប្រហែលគ្នា និងមានបទពិសោធមិនសូវលើសខ្វះគ្នាប៉ុន្មានឡើយ។ ដូច្នេះក្រុមរបស់ខ្លួនរំពឹងធ្វើបានល្អ និងឈានដល់ជុំចុងក្រោយ។ ទោះបីជាយ៉ាងណា ប្រធានក្រុមរូបនេះឲ្យដឹងថា Never Care, Secret និងSuccessfull ជាក្រុមលេចធ្លោជាងគេសម្រាប់ការប្រកួតឆ្នាំនេះ។

ការប្រកួតជ្រើសរើសជើងឯកកីឡាអេឡិចត្រូនិក(E-Sports)ប្រចាំឆ្នាំ២០១៧នឹងធ្វើនៅសាលាតិចណូ ថ្ងៃសៅរ៍-អាទិត្យ ទី២-៣ ខែធ្នូនេះ។ ព្រឹត្តិការណ៍ឆ្នាំនេះរៀបចំដោយសហព័ន្ធកីឡាអេឡិចត្រូនិកកម្ពុជា និងគាំទ្រដោយគណៈកម្មាធិការជាតិអូឡាំពិកកម្ពុជា ព្រមទាំងចូលរួមឧបត្ថម្ភដោយកុំព្យូទ័រ ASUS ROG, ភេសជ្ជៈ Mountain Dew និងទូរទស្សន៍ MYTV ៕

៣ក្រុមនេះសុទ្ធតែខ្លាំងរំពឹងឈ្នះជើងឯកជាតិឆ្នាំនេះ

បង្ហាញឈ្មោះក្រុមទាំង២៤ឡើងជុំផ្ដាច់ព្រ័ត្រ E-Sports ថ្នាក់ជាតិ

អត្ថបទ៖ ជាន ចាន់រ៉ា