នាយ ចឺម ធ្វើឲ្យ តាវ៉ិចទ័រ រំជួលចិត្តស្ទើរទប់ទឹកភ្នែកមិនបាន
- 2017-11-28 02:21:40
- ចំនួនមតិ 0 | ចំនួនចែករំលែក 0
នាយ ចឺម ធ្វើឲ្យ តាវ៉ិចទ័រ រំជួលចិត្តស្ទើរទប់ទឹកភ្នែកមិនបាន
ចន្លោះមិនឃើញ
ម្សិលមិញនេះតារាកំប្លែង និងចម្រៀងនាយ ចឺម បានធ្វើឲ្យលោក តាវ៉ិចទ័រ រំភើបចិត្តស្ទើរទប់ទឹកភ្នែកមិនចង់បាន មុននាយផ្អាកកំប្លែងនៅទូរទស្សន៍CTN។
នាយ ចឺម បានលើកឡើងថា មុនផ្អាកកំប្លែងមួយរយៈនៅទូរទស្សន៍CTN ជាមួយក្រុម ពែកមី ខ្លួនក៏បានរៀបចំពិធីដឹងគុណ និងតបគុណជូនចំពោះលោក តាវ៉ិចទ័រ ជាឪពុកទី២របស់នាយ បន្ទាប់ពីម្ដាយឪពុកបង្កើតដែលរស់នៅខេត្តកំពង់ស្ពឺ។
ម្ចាស់បទ"អារហាម" រូបនេះបន្ថែមថា ខ្លួនមានកិត្តិយស កេរ្តិ៍ឈ្មោះបោះសំឡេងនៅក្នុងវិថីសិល្បៈសព្វថ្ងៃនេះ គឺមានការជួយជ្រោមជ្រែងពីសំណាក់លោក តាវ៉ិចទ័រ ព្រមទាំងនាយ ក្រូច និងស្រីអ៊ីត ត្រូវជាពូមីងបង្កើតបានជួយបណ្ដុះបណ្ដាលឱ្យនាយ បានស្គាល់អ្វីដែលហៅថាសិល្បៈ។
មួយវិញទៀតនាយ ចឺម សុំបញ្ជាក់ដល់ពុកម៉ែបងប្អូនទស្សនិកជនថា ការផ្អាកឈប់ពីសិល្បៈនេះ មិនបានន័យថានាយភ្លេចកំណើតខ្លួនឯងនោះទេ។ ម្ចាស់បទ"អ្នកអត់សង្សារលើកដៃ" បញ្ជាក់ថា៖" មុនឲ្យខ្ញុំឈប់ពីក្រុមកំប្លែង CTN លោក តាវ៉ិចទ័រ ត្រូវជាឪពុកទី២របស់ខ្ញុំ បានពិភាក្សាគ្នាជាមួយ មីងអ៊ីត និងពូក្រូច ហើយទើបសម្រេចឲ្យខ្ញុំផ្អាកមួយរយៈសិន"។
ចំណែកឯលោកតាវ៉ិចទ័រវិញបានថ្លែងជាមួយទឹកមុខរំភើបចិត្តស្ទើរស្រក់ទឹកភ្នែកថា លោកពិតជាមិននឹកស្មានថានាយ ចឺម រៀបចំពិធីធ្វើឲ្យមានការភ្ញាក់ផ្អើលនៅផ្ទះលោកដូច្នេះសោះ។ លោកគ្មានពាក្យអ្វីផ្សេងក្រៅពីអរគុណ និងជូនពរដល់នាយចឺមឲ្យជោគជ័យក្នុងវិថីសិល្បៈ ។
ឪពុក នីឡា មានប្រសាសន៍ថា៖ “អត់បានដឹងខ្លួនសោះថា ចឺមមានពិធីមួយធ្វើឲ្យខ្ញុំមានការភ្ញាក់ផ្អើលបន្ទាប់ពីគេផ្អាកពីក្រុមកំប្លែង CTN ។ ខ្ញុំជូនពរឲ្យចឺម មានកេរ្តិ៍ឈ្មោះបោះសំឡេងកាន់តែខ្លាំងនៅក្នុងផលិតកម្មសាន់ដេ និងមានការគាំទ្រពីបងប្អូនគ្រប់មជ្ឈដ្ឋាន"។
ការរៀបចំពិធីដឹងគុណ និងតបគុណជូនចំពោះលោកតា វ៉ិចទ័រ នាយចឺម ក៏បានជូន កាដូ និងថវិកា ចំនួន២០០ ដុល្លារផងដែរ៕