មានការវិភាគថា Apple លក់ iPhone X បាន ១៥ លានគ្រឿងហើយ
- 2017-11-29 01:55:16
- ចំនួនមតិ 0 | ចំនួនចែករំលែក 0
មានការវិភាគថា Apple លក់ iPhone X បាន ១៥ លានគ្រឿងហើយ
ចន្លោះមិនឃើញ
អ្នកវិភាគមួយរូបឈ្មោះថា Jun Zhang ដែលប្រចាំការនៅក្រុមហ៊ុន Rosenblatt China Technology បានប៉ាន់ស្មានថាចាប់តាំងពីចេញលក់នៅថ្ងៃទី ៣ ខែវិច្ឆិកាមក Apple លក់ iPhone X បាន ១៥ លានគ្រឿងជុំវិញពិភពលោក។
តួលេខនេះមានរាប់បញ្ចូលទាំង ៦ លានគ្រឿងដែលលក់បានក្នុងអំឡុងចុងសប្ដាហ៍ Black Friday ទិវាទិញ/លក់ទំនិញដ៏ធំមួយរបស់សហរដ្ឋអាមេរិក។ អ្នកវិភាគដដែលបានលើកឡើងថា iPhone X ជាប្រភពចំណូលដ៏ធំមួយរបស់ Apple ព្រោះថាប្រភេទ ២៥៦ GB លក់ដាច់ច្រើនជាងប្រភេទ ៦៤ GB ជាមួយសមាមាត្រ ២ ៖ ១។
Jun Zhang បានប៉ាន់ស្មានថានៅត្រីមាសគិតត្រឹមខែធ្នូ iPhone X នឹងលក់បានសរុប ៣០ លានគ្រឿង ហើយសម្រាប់ត្រីមាសគិតត្រឹមខែមីនាឆ្នាំក្រោយ ចំនួនលក់នឹងកើនដល់ចន្លោះពី ៤០ ទៅ ៤៥ លានគ្រឿង៕