ក្រុមហ៊ុន BMW ប្រកាសរកដៃគូដើម្បីផលិតរថយន្តអគ្គិសនីខ្នាតតូច
- 2017-11-30 12:13:22
- ចំនួនមតិ 0 | ចំនួនចែករំលែក 0
ក្រុមហ៊ុន BMW ប្រកាសរកដៃគូដើម្បីផលិតរថយន្តអគ្គិសនីខ្នាតតូច
ចន្លោះមិនឃើញ
សមាជិកក្រុមប្រឹក្សាភិបាលលោក Peter Schwarzenbauer ប្រាប់ Reuters ថា ក្រុមហ៊ុន BMW កំពុងជជែកពិភាក្សាជាមួយក្រុមហ៊ុនរថយន្តនៅទូទាំងពិភពលោកដើម្បីរកមើលដៃគូផលិតរថយន្តអគ្គិសនីខ្នាតតូចនាពេលអនាគត ។
Schwarzenbauer និយាយថា យើងកំពុងជជែកជាមួយក្រុមហ៊ុនផលិតរថយន្តជាច្រើនជុំវិញពិភពលោកមិនមែនតែនៅក្នុងប្រទេចចិននោះទេពោលគឺដើម្បីផលិតរថយន្តអគ្គិសនីខ្នាតតូចខណៈភ្លាមៗនេះមិនទាន់មានផ្លែផ្កានោះទេ ។ បច្ចុប្បន្ន BMW មិនទាន់បានផលិតរថយន្តខ្នាតតូចនៅក្រៅទីផ្សារអឺរ៉ុបនៅឡើយទេ ។ ដោយឡែកក្រុមហ៊ុនរថយន្តចិន Great Wall Motors និយាយកាលពីខែមុនថា ខ្លួនបានពិភាក្សាពីលទ្ធភាពនៃការបណ្តាក់ទុនដើម្បីផលិតរថយន្តខ្នាតតូចក្នុងប្រទេសចិន ។ លោក Schwarzenbauer បដិសេធនិយាយពីលទ្ធភាពពិភាក្សាជាមួយ Great Wall ដោយនិយាយថា វាគឺជារឿងមិនអាចស្មានទុកមុន ។ បញ្យ៉ាងណាក៏ដោយការផលិតរថយន្តអគ្គិសនីខ្នាតតូចគឺជារឿងស្មុគស្មាញមិនមែនតែដោយសារការចំណាយហិរញ្ញវត្ថុប៉ុន្តែក៏មានបញ្ហាវិស្វកម្មដើម្បីដាក់បញ្ចូលថ្មឱ្យត្រូវនឹងរថយន្តធន់តូចអស់ទាំងនោះ ។ ទន្ទឹមគ្នានេះដែរការលក់រថយន្តខ្នាតតូចក្នុងទីផ្សារអាមេរិកបានធ្លាក់ចុះ ១០% ក្នុងអំឡុងពេល ១០ ខែនៃឆ្នាំ ២០១៧ នេះខណៈអតិថិជនពេញនិយមរថយន្តប្រភេទ SUV និងរថយន្តដឹកទំនិញជាង ។
ក្រុមហ៊ុន BMW បានធ្វើការជាមួយដៃគូប្រជែងមុនពេលចែករំលែកការចំណាយលើបច្ចេកវិទ្យារថយន្តគ្មានជាតិពុល ។ ក្រុមហ៊ុនបានចាប់ដៃជាមួយក្រុមហ៊ុនជប៉ុន Toyota Motor Corp ដើម្បីអភិវឌ្ឍរថយន្តប្រើឥន្ធនះ ។ BMW និយាយថា ខ្លួនគ្រោងនឹងផលិតរថយន្តអគ្គិសនីខ្នាតតូចម៉ូដែល Mini ថ្មីមួយគ្រឿងនៅឆ្នាំ ២០១៩ ហើយវាអាចក្លាយជាម៉ាករថយន្តអគ្គិសនីពេញលេញផងដែរដោយកំណត់គោលដៅលក់សម្រាប់អតិថិជនរស់នៅក្នុងទីក្រុងហើយនៅឆ្នាំ ២០២១ BMW នឹងផលិតរថយន្តបើកបរដោយខ្លួនឯងតម្លៃក្រោម ១០ ម៉ឺនដុល្លារ ៕ ៕ ប្រែសម្រួល៖ សិរីបុទ្រ ប្រភព៖ https://www.reuters.com/article/us-autoshow-la-bmw/bmw-looking-for-partners-to-develop-electric-small-cars-idUSKBN1DT0ZW