ហាងកាហ្វេមួយ រកកៅអីអង្គុយឲ្យអតិថិជនប្រុសលែងបាន ព្រោះមូលហេតុពិសេស

2017-12-03 08:07:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងកាហ្វេមួយដែលមានឈ្មោះ Cup C Cafe House បានទាក់ទាញចំណាប់អារម្មណ៍អារម្មណអតិថិជនប្រុសៗយ៉ាងខ្លាំង រហូតតម្រង់ជួរគ្នាចាំ ដោយសាររកតុអង្គុយមិនបាន។ ភាពល្បីសុះសាយបានកើតឡើង បន្ទាប់ពីអតិថិជនមួយចំនួន បានទៅថតរូបបុគ្គលិកស្រីពាក់អាវខើចៗបញ្ចេញសាច់សខ្ចី រួចបង្ហោះទៅលើបណ្ដាញសង្គម។

តាមពិតទៅ ម្ចាស់ហាងនេះ មិនបានកំណត់ឲ្យអ្នកបម្រើទាំងនោះពាក់អាវខ្លីខើចនោះទេ ប៉ុន្តែប្រហែលមកពីអាកាសធាតុក្ដៅ ទើបពួកគេនាំប្រើអាវបែបនេះ។ ម្ចាស់ហាងកាហ្វេដែលមិនបង្ហាញអត្តសញ្ញាណ បាននិយាយថា នាងភ្ញាក់ផ្អើលខ្លាំងមែនទែន បន្ទាប់ពីមានអ្នកថតរូបបង្ហោះ ហើយទាក់ទាញអតិជនយ៉ាងច្រើនកុះករ សុទ្ធតែប្រុសៗ។

តាមរយៈរូបភាព ដែលបង្ហោះបន្តបន្ទាប់ បានបង្ហាញបុរសជាច្រើនរង់ចាំទិញកាហ្វេ ព្រោះគ្មានកន្លែងអង្គុយ ហើយអ្នកខ្លះថែមទាំងទាញទូរសព្ទមកថតពេលកំពុងទិញកាហ្វេនោះផងដែរ។ គេមិនដឹងច្បាស់ថា មនុស្សនាំគ្នាសម្រុកទៅទិញច្រើន ដោយសារតែរសជាតិកាហ្វេ ឬដោយសារសម្រស់អ្នកបម្រើនោះទេ។ គួរបញ្ជាក់ថា ហាងកាហ្វេនេះ ស្ថិតនៅក្នុងស្រុក Mueang Ratchaburi ខេត្ត Ratchaburi៕