ខ្លាំងមិនធម្មតា! “Coco” នៅតែរក្សាតំណែងកំពូលសប្ដាហ៍ថ្មី Box Office

2017-12-04 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារមិនមានភាពយន្តល្បីណា បានបញ្ចេញក្នុងសប្ដាហ៍មុននេះ ធ្វើឲ្យ "Coco” នៅតែរក្សាតំណែងកំពូលបន្ទាប់ពីបំបាក់ "Justice League” កាលពីសប្ដាហ៍មុន។

ភាពយន្តគំនូរជីវចលរបស់ Disney និង Pixar នៅតែរក្សាតំណែងលេខ១ ដោយរកចំណូលបានដល់ទៅ ២៦,១លានដុល្លារក្នុងសប្ដាហ៍ទី២ ដែលចំនួននេះចុះថយ ៤៨,៦ភាគរយ ធៀបនឹងចំណូលសប្ដាហ៍មុន។ ទោះជាយ៉ាងណាក៏ដោយ ចំនួនទឹកប្រាក់នេះគឺពិតជាល្អសម្រាប់ភាពយន្តប្រភេទ Animated បែបនេះ។ ដោយសារតែមានការនិយាយល្អពីភាពយន្តនេះច្រើន ពោលគឺសំបូរភាពវិជ្ជមាន "Coco” គឺពិតជាជោគជ័យខ្លាំង។ គិតមកត្រឹមពេលនេះ "Coco” រកចំណូលបាន ១០៨,៦លានដុល្លារ តែនៅក្នុងសហរដ្ឋអាមេរិក ហើយរកចំណូលបានដល់ទៅ ២៧៩,៩លានដុល្លារទូទាំងពិភពលោក។

ឈុតឆាកក្នុងរឿង "Wonder"

ចំណែកឯភាពយន្ត "Justice Leage” វិញក៏រក្សាបានចំណាត់ថ្នាក់លេខពីរផងដែរ ដោយរកចំណូលបាន ១៦,៥លានដុល្លារ ដោយចំណូលសរុបក្នុងស្រុកទទួលបាន ១៩៧,៣លានដុល្លារ និងទូទាំងពិភពលោកទទួលបាន ៥០៨,៣លានដុល្លារ។ ចំនួនទឹកប្រាក់នេះគ្រប់ ៦០០លានដុល្លារដែលជាតម្លៃគោលដើម្បីឲ្យភាពយន្តនេះរកប្រាក់ចំណេញបានហើយ។ អ្វីដែលគួរឲ្យចាប់អារម្មណ៍នោះគឺ ភាពយន្ត "Wonder” ដែលដកស្រង់ចេញពីសៀវភៅប្រលោមលោកល្បីឈ្មោះនោះ នៅតែធ្វើបានល្អនៅលើតារាង Box Office ដែលរកចំណូលបាន ១២,៥លានដុល្លារសប្ដាហ៍នេះ និងចំណូលសរុប ៨៨លានដុល្លារ៕

នេះជាបណ្ដាភាពយន្តរកចំណូលបានទាំង១០ប្រចាំសប្ដាហ៍៖

១០. “A Bad Moms Christmas” រកចំណូលបាន ៣,៥លានដុល្លារ