បច្ចេកទេសអស់លុយតិច ច្នៃបង្កើត Lens និង Filters ស្មាតហ្វូនដោយខ្លួនឯង

2017-12-06 02:28:52
ចំនួនមតិ 0 | ចំនួនចែករំលែក 0

ចន្លោះមិនឃើញ

Lens និង Filters អ្នកអាចរៀបចំប្រើដោយខ្លួនឯងដោយមានតម្លៃធូរថ្លៃ ហើយថែមទាំងមានភាពប្លែកម្យ៉ាងក្នុងការថតរូបផងដែរ តែប្រសិនបើអ្នកចង់ចំណាយលុយលើ Lens ទូរស័ព្ទ អ្នកអាចប្រើ Zeiss ExoLens សម្រាប់ iPhone ឬ Olloclip សម្រាប់ iPhone ឬ Android។

ការរៀបចំ Macro lens

អ្នកអាចបង្កើតបន្ទះវែងមួយនៃធាតុម្យ៉ាងដែលអាចដាក់បានជុំវិញរង្វង់នៃឧបករណ៍កែវពង្រីកមើលគ្រឿងអលង្ការ ហើយដាក់វានៅពីលើ Lens។ អ្នកបើកកម្មវិធី Camera រួចសារេទីតាំងឧបករណ៍កែវពង្រីកនោះឲ្យបានត្រឹមត្រូវ ដើម្បីការពារការកើតមានចំនុចខ្មៅនៅគែមៗ Frame។ ក្នុងការទទួលបានលទ្ធផលល្អ អ្នកអាចកាន់ឧបករណ៍កែវពង្រីកឲ្យកៀក ឬនៅពីលើ Subject អ្នកថត រួចកែប្រែ Focus បើចាំបាច់ដោយប្រើកម្មវិធី Camera។

Ring light

Ring light សំដៅលើអំពូលបង្ហាញពន្លឺមានជារង្វង់។ អ្នកអាចប្រើ LED camping light ឬ UFO light ដែលអ្នកអាចរកបានលើទីផ្សារ។ អ្នកអាចយក Velcro (ខ្សែបកបិទងាយស្រួល) ភ្ជាប់ពីក្រោយ ហើយកំណត់ទីតាំងវាលើសំបកទូរស័ព្ទ ដូច្នេះ Lens អាចសម្លឹងមើលទៅចំនុចកណ្តាលរន្ធនៃពន្លឺ។ Velcro អាចជួយអ្នកកំណត់ទីតាំងពន្លឺងាយស្រួល។ Ring light ផ្តល់នូវពន្លឺជួយកាត់បន្ថយស្រមោល ដូច្នេះវាមានប្រយោជន៍ក្នុងការថតរូបលក្ខណៈ Portraits និង Macro។

ពណ៌ Filter

អ្នកត្រូវការមានសំបកទូរស័ព្ទទន់មួយ ប្រដាប់គាបក្រដាស ឬម្ជុលមានក្បាលធំ និងប្លាស្ទិកថ្លាមានពណ៌ចម្រុះ។ អ្នកកាត់ប្លាស្ទិកថ្លានោះជារាងការ៉េ ធ្វើម៉េចឲ្យសមដាក់ពីលើ Lens រួចប្រើម្ជុលមានក្បាលធំដោតសង្កត់ភ្ជាប់ប្លាស្ទិកទៅនឹងសំបកទូរស័ព្ទ ហើយប្រាកដថាប្លាស្ទិកគួរតែអាចបង្វិលបាន។ ម្យ៉ាងវិញទៀត អ្នកគួរមានប្លាស្ទិកថ្លាមួយ ឬពីរទ្រាប់ពីក្រោមសំបកទូរស័ព្ទការពារកុំឲ្យឆ្កូតពេលដោយម្ជុល។

ធាតុដទៃទៀត

អ្នកអាចប្រើ Prism សម្រាប់ជា Effect បែបច្នៃប្រឌិតមួយបង្ហាញជាពន្លឺឆ្លុះតាមរយៈ Prism ពេលដាក់វាពីមុខ Lens។ អ្នកក៏អាចប្រើវ៉ែនតាការពារពន្លឺព្រះអាទិត្យជា Filter ដោយអាស្រ័យលើ Lens រូបភាពនឹងបង្ហាញខុសគ្នា។ អ្នកអាចប្រើវ៉ែនតាការពារព្រះអាទិត្យពេលថ្ងៃលិច ឬពេលថ្ងៃត្រង់ដើម្បីកែប្រែលក្ខណៈពន្លឺចូលទៅកាន់ Lens។ ប្រសិនបើអ្នកមានវ៉ែនតាលក្ខណៈ Polarized អាចកាន់ និងបង្វិលវាពីមុខ Lens ទូរស័ព្ទដើម្បីសម្រេចបាន Effect ស្រដៀងគ្នាទៅនឹងការប្រើ Polarizing filter៕