ភាពយន្តខ្មែរល្បីៗប្រចាំឆ្នាំ ២០១៧ ចាក់បញ្ចាំងដោយឥតគិតថ្លៃចាប់ពីថ្ងៃនេះហើយ (វីដេអូ)
- 2017-12-06 05:17:59
- ចំនួនមតិ 0 | ចំនួនចែករំលែក 0
ភាពយន្តខ្មែរល្បីៗប្រចាំឆ្នាំ ២០១៧ ចាក់បញ្ចាំងដោយឥតគិតថ្លៃចាប់ពីថ្ងៃនេះហើយ (វីដេអូ)
ចន្លោះមិនឃើញ
ខ្សែភាពយន្តល្បីៗប្រចាំឆ្នាំ ២០១៧ ដែលខ្លះមានទាំងទទួលបានពានរង្វាន់ពីបរទេសផង កំពុងចាក់ផ្សាយឡើងវិញនៅគ្រប់រោងភាពយន្តនៅភ្នំពេញ ក្នុងឱកាសមហោស្រពភាពយន្តជាតិលើកទី៦ ចាប់ពីថ្ងៃទី៦ រហូតដល់ថ្ងៃទី៩ ខែធ្នូ ឆ្នាំ ២០១៧ នេះ។
ភាពយន្តទាំងនោះរួមមាន៖
រឿង ទឹកចិត្តម្តាយសម័យថ្មី
ដឹកនាំរឿង : ពាន់ ភួងបុប្ផា
ប្រភេទរឿង : សម័យ មនោសញ្ចេនា និយាយពីបញ្ហាសង្គមគ្រួសារសម័យថ្មី។
រយៈពេល : ១៣៣នាទី
រឿង ស៊ុបភើរមាំ
អ្នកដឹកនាំរឿង : លោក ជុំ វិចិត្រ
ប្រភេទរឿង : កំប្លែង មនោសញ្ចេតនា អប់រំ
រយៈពេល : ១០០នាទី
គ្រួសារដែលរស់នៅជាប់របងគ្នាតែងតែមានការទាស់ទែងគ្នារវាងប្រពន្ធ និងប្រពន្ធ។ ចំណែកឯប្តី និងប្តីគឺជាមិត្តភ័ក្តិនឹងគ្នា ហើយកូន និងកូនក៏មានចិត្តទៅលើគ្នាដែរ។ ដោយសារតែម្តាយទាំងសងខាងមិនមានការចុះសម្រុងនឹងគ្នា ក៏បានធ្វើឲ្យស្នេហារវាងកូនទាំង២មានភាពលំបាក។
រឿង វិកលចរិត
អ្នកដឹកនាំរឿង : លោកហ៊ុយ យ៉ាឡេង
ប្រភេទរឿង : ភ័យរន្ធត់
រយៈពេល : ៨០នាទី
ក្នុងថ្ងៃខួបកំណើត ប៉ាសុភាព ឃាតករបានចូលមកសម្លាប់សមាជិកគ្រួសារម្នាក់ម្តងៗ ដែលជាហេតុធ្វើឲ្យសុភាពក្លាយជាមនុស្សវិកលចរិត។
រឿង តម្លៃសេ្នហ៍
អ្នកដឹកនាំរឿង : ម៉ាធ្យូ រ៉ូប៊ីនសុន
ប្រភេទរឿង : មនោសញ្ចេតនា
រយៈពេល : ១០៦នាទី
រិទ្ធិជាមនុស្សចង់មានសេរីភាពមិនគិតអ្វីទាំងអស់ ដូចនេះទើបគេកុហកថាកំពុងស្រលាញ់នារីម្នាក់។
រឿង មុនពេលដួលរលំ
អ្នកដឹកនាំរឿង : Mr. Ian White
ប្រភេទរឿង : សម័យ មនោសញ្ចេតនា
រយៈពេល : ៩៨នាទី
រឿងនេះនិយាយអំពីប្រទេសកម្ពុជានាសម័យមុនជំនាន់ ប៉ុល ពត ឬមុនខ្មែរក្រហមចូលមកដល់ ហើយរឿងនេះក៏បានដាក់បញ្ចូលបន្ថែមនូវរឿងរ៉ាវ ស្នេហា មានការតាមបាញ់សម្លាប់គ្នាផងដែរ។
រឿង ការពារឧក្រិដ្ឋជន
អ្នកដឹកនាំរឿង : Mr. Jimmy Henderson
ប្រភេទរឿង : ក្បាច់គុន និងកំប្លែង
រយៈពេល : ៩១នាទី
មន្រី្តប៉ូលីសអន្តរជាតិពីប្រទេសបារាំង លោកអធិការ លី ត្រូវបានជ្រើសតាំងឲ្យបំពេញភារកិច្ចការពារ Playboy ដែលជាមនុស្សសំខាន់ក្នុងការស្វែងរកមេដឹកនាំក្រុមពាល “ក្រុមមេអំបៅ” ដែលឈរពីក្រោយខ្នងការរកស៊ីខុសច្បាប់ជាច្រើនទៅកាន់គុកព្រៃខ្លា។
រឿង អ្នកនាងម្ចាស់ឡឺកឺ
អ្នកដឹកនាំរឿង : លោក ទិត ធារិទ្ធ
ប្រភេទរឿង : កំប្លែង មនោសញ្ចេតនា
រយៈពេល : ៩៧នាទី
កាទីជាសិស្សដែលទើបតែបញ្ចប់វិទ្យាល័យនៅខេត្ត ហើយក៏បន្តរៀននៅមហាវិល័យផ្នែកស្ថាបត្យកម្មនៅទីក្រុងភ្នំពេញ។ នាងជានារីស្រស់ស្អាត ដែលមានក្តីស្រមៃខុសពីនារីដទៃ តែនាងជាមនុស្សរ៉ូមែនទិចជ្រុល ទើបធ្វើឲ្យនាងមិនអាចរកសង្សារបានទាល់តែសោះ។
រឿង ខូចចិត្តអាជីព
អ្នកដឹកនាំរឿង : លោកឡុង សារ៉ន
ប្រភេទរឿង : សម័យមនោសញ្ចេតនា
រយៈពេល : ៩៧នាទី
ចន្រ្ទាជានារីដែលអភ័ព្វរឿងស្នេហាខូចចិត្តប្រាំដងផ្ទួនៗគ្នា រហូតដល់មានចិត្តស្អប់មនុស្សប្រុស ព្រោះតែខ្លាចស្រលាញ់មនុស្សប្រុស ទើបនាងសម្រេចចិត្តបន្លំខ្លួនជាប្រុសរត់ចេញពីផ្ទះ ហើយធ្វើជាអ្នកប្រដាល់។
កុំភ្លេចទៅទស្សនារឿងភាគខ្មែរទាំងនោះ នៅតាមរោង
ចុចអាន៖
-ផលិតកម្មក្នុងស្រុកមួយទទួលបានទំនុកចិត្តខ្ពស់ ចុះ MOU ជាមួយផលិតកម្ម CBSi របស់កូរ៉េ
-ការពិតគួរឲ្យចាប់អារម្មណ៍ ១០ចំណុចពីតារាចម្រៀង Original Song រុន ស៊ីរ៉ា