Pogba ថា Man Utd ត្រូវតែលេងប្រយុទ្ធ ពេលប៉ះជាមួយ Man City
- 2017-12-06 12:39:48
- ចំនួនមតិ 0 | ចំនួនចែករំលែក 0
Pogba ថា Man Utd ត្រូវតែលេងប្រយុទ្ធ ពេលប៉ះជាមួយ Man City
ចន្លោះមិនឃើញ
ខ្សែបម្រើ Paul Pogba ក្នុងថ្ងៃនេះ បាននិយាយថា ក្លឹបបិសាចក្រហម Manchester United ត្រូវតែលេងទម្រង់ប្រយុទ្ធ ក្នុងជំនួបជាមួយ Manchester City នៅថ្ងៃអាទិត្យខាងមុខនេះ។
ពេលអ្នកសារព័ត៌មានសួរថា តើ Manchester United នឹងលេងទម្រង់បែបប្រយុទ្ធទេ ពេលប៉ះជាមួយក្លឹបអ្នកជិតខាងខ្លួន ខ្សែបម្រើ Pogba បានឆ្លើយយ៉ាងខ្លីថា៖ "ពួកយើងត្រូវតែលេងអ៊ីចឹង។ កីឡាករវ័យ ២៤ឆ្នាំរូបនេះ បានបន្តទៀតថា៖ "ដើម្បីឈ្នះប្រកួតធំអ៊ីចឹងៗ យើងត្រូវលេងឲ្យអស់ពីសមត្ថភាពរបស់យើង។ យើងត្រូវលេងបែបផែន ទាំងប្រយុទ្ធ និងការពារ"។ Pogba បញ្ជាក់ទៀតថា៖ "យើងត្រូវព្យាយាមយកឈ្នះការប្រកួតឲ្យបាន រាល់ពេលដែលយើងមានឱកាសស៊ុតចូលទី។ កុំបណ្ដោយឲ្យសោះ ព្រោះពួកគេគឺជា Manchester City ហើយពួកគេមានប្រព័ន្ធប្រយុទ្ធដ៏មុតស្រួច ដូច្នេះហើយបើប្រហែស ពួកគេអាចយកឈ្នះយើងគ្រប់ពេល"។
ខ្សែបម្រើកណ្ដាល Paul Pogba នឹងមិនបានជួយក្រុមបិសាចក្រហមទេ ក្នុងការជំនួប Manchester Derby ថៃ្ងអាទិត្យខាងមុខនេះ បន្ទាប់ពីទទួលបានកាតក្រហមកាលពីប្រកួតជាមួយ Arsenalសប្ដាហ៍មុន និងត្រូវបានពិន័យមិនឲ្យចូលលេងចំនួន ៣ប្រកួត។
ទោះជាយ៉ាងណា ក្លឹបបិសាចក្រហមនឹងប្រើប្រព័ន្ធប្រយុទ្ធ ឬមិនប្រយុទ្ធ គឺអាស្រ័យលើអ្នកចាត់ការ Jose Mourinho។ កន្លងមក លោក Mourinho តែងត្រូវបានមតិក្នុងពិភពបាល់ទាត់រិះគន់ជារឿយៗថា តែងតែប្រើទម្រង់ការពារពេលប៉ះជាមួយក្រុមធំៗ៕