៥ យ៉ាងអ្នកគួរត្រៀមជាមុន សម្រាប់ផ្តិតយករូបភាពដំណើរកំសាន្តពេលវិស្សមកាល

2017-12-07 00:04:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងដំណើរកំសាន្តពេលវិស្សមកាល អ្នកប្រហែលជាយកកាមេរ៉ាតាមខ្លួនមិនថា DSLR ឬកាមេរ៉ាធម្មតា ដើម្បីផ្ដិតយកទិដ្ឋភាពប្លែកៗ។ មិនថាអ្នកធ្វើដំណើរតែម្នាក់ឯង ឬជាក្រុម ការរៀបចំទុកជាមុនពិតជាសំខាន់ ជាពិសេសសម្រាប់គោលបំណងថតរូបក្នុងពេលវិស្សមកាលតែម្តង។ដូច្នេះអ្នកគួរពិនិត្យមើល ៥ ចំនុចខាងក្រោម ដើម្បីធ្វើឲ្យការថតរូបអ្នកដំណើរការកាន់តែប្រសើរឡើង៖

១. ថ្មសាគួរ

អ្នកគួរដឹងពីរយៈពេលកាមេរ៉ាអាចប្រើប្រាស់បាន និងចំនួនសន្លឹកកាមេរ៉ាអាចថតបាន ដូច្នេះអ្នកអាចដឹងថា គួរមានថ្មសាគួរប៉ុន្មាន អាចមួយ ឬពីរ។

២. ក្រដាសផែនទី

អ្នកគួរចេះមើលផែនទីលើក្រដាស ព្រោះពេលអ្នកចូលទៅកន្លែងឆ្ងាយ និងប្រើរយៈពេលយូរ ថ្មទូរស័ព្ទអាចអស់ ហើយអ៊ីនធឺណិតប្រហែលជាមិនអាចប្រើប្រាស់បាននោះទេ។ ដូច្នេះផែនទីលើក្រដាសគួរឲ្យទុកចិត្តជាង ហើយអាចងាយស្រួលមើលបានច្រើនគ្នា ខណៈអ្នកទេសចរណ៍ភាគច្រើននៅប្រើផែនទីលើក្រដាស ជៀសជាងលើទូរស័ព្ទ។

៣. មិត្តភក្ដិ ឬមនុស្សជាទីស្រលាញ់

ការងារជាក្រុមបង្កើតអ្វីគ្រប់យ៉ាងបានល្អប្រសើរ។ វាបង្កើតនូវបរិយាកាសមួយដ៏ល្អ ហើយពេលអ្នកចង់បានម៉ូដែលសម្រាប់រូបភាពអ្នក មានស្រាប់នៅជិតអ្នក។ ម្យ៉ាងទៀត ការមានដៃគូអាចទទួលបានរូបភាពកាន់តែចាប់អារម្មណ៍ពីទីកន្លែងផ្សេងៗ។ ជាមួយមុខងារ Self-timer លើកាមេរ៉ា អ្នកទាំងពីរនៅតែអាចស្ថិតក្នុងទិដ្ឋភាពជាមួយគ្នាបាន។

៤. Memory Card បន្ថែម

ដូចទៅនឹងថ្មបន្ថែមដែរ អ្នកគួរមាន Cards បន្ថែមដើម្បីធានាដល់ការមិនខកខានក្នុងការចាប់យករូបភាពជាពិសេស ប្រសិនបើអ្នកមាន Card ទំហំតូច។ ម្យ៉ាងវិញទៀត អ្នកអាចមិនចាប់បាច់យក Laptop តាមខ្លួនដើម្បីទាញយករូបភាពចេញ ដើម្បីឲ្យទំនេរ Space ក្នុងការថតបន្ត។ មួយវិញទៀត អ្នកគួរមានកាបូបប្រើមានមុខងារការពារជ្រាបទឹក ដើម្បីការពារការខូចខាត។

៥. ស្នាមញញឹម

កន្លែងណាក៏ដោយអ្នកទៅ គួររក្សាស្នាមញញឹមជាមួយអ្នកក្នុងតំបន់ ព្រោះពេលខ្លះពួកគេអាចឲ្យយោបល់អ្នក និងបង្ហាញទីតាំងដែលមិនមានក្នុងសៀវភៅណែនាំ សម្រាប់ការថតរូបរបស់អ្នក។ ម្យ៉ាងវិញទៀត ពួកគេប្រហែលជាអញ្ជើញអ្នកហូបតែ ឬកាហ្វេ ឬអាហារថ្ងៃត្រង់ថែមទៀតផង។ ទាំងនេះកាន់តែជាបទពិសោធន៍ដ៏ល្អសម្រាប់ដំណើរកំសាន្តរបស់អ្នក។

ជាធម្មតា ពេលអ្នកចាប់អារម្មណ៍លើទីតាំងណាមួយអ្នកមិនធ្លាប់ឃើញ ប្រាកដណាស់អ្នកប្រហែលជាចុចថតយកៗបានច្រើន តែអ្នកមិនគួរសង្វាតថតគ្រប់យ៉ាងពេកនោះទេ អ្នកគួរគិតអំពីរូបភាពនីមួយៗ មុនពេលអ្នកចុចថត៕