ស្មានមិនដល់ CL ចូលចិត្តធ្វើរឿង១នេះដល់ម្លឹង ពេលទំនេរពីការងារ

2017-12-08 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មានមនុស្សមិនច្រើនទេដែលបានដឹងថា តើអ្វីទៅជាចំណង់ចំណូលចិត្តរបស់តារាចម្រៀង CL ជាពិសេសនាងតែងធ្វើអ្វីពេលនាងទំនេរពីការងារ?

ទីបំផុត ថ្ងៃនេះអ្វីគ្រប់យ៉ាង តារាស្រីរូបនេះបានទម្លាយហើយ ពេលនាងមានវត្តមានចូលរួមក្នុងកម្មវិធី 'Life Bar' របស់ទូរទស្សន៍ tvN។ CL បានបង្ហើបថា ចូលចិត្តដើរឡើងភ្នំណាស់ ពេលនាងទំនេរពីការងារ។

ពេលនោះ ពិធីករ ស្រាប់តែលាន់មាត់ថា៖ “ស្មានមិនដល់សោះ!” ហើយ CL ក៏បានពន្យល់ថា ខ្ញុំមិនចង់ធ្វើអ្វីដដែលៗទេ ហើយចំពោះការដើរឡើងភ្នំ គឺជាសកម្មភាពមួយដ៏ល្អបំផុត ព្រោះពេលឡើងម្ដងៗ វាមានអារម្មណ៍ខុសប្លែកគ្នា។ ជាទូទៅខ្ញុំចំណាយពេលដើរ តែម្នាក់ឯងទេ រីឯភ្នំដែលខ្ញុំឧស្សាហ៍ឡើងមាន Gwanaksan, Bukhansan និងផ្លូវភ្នំម្ដុំក្រោយផ្ទះខ្ញុំជាដើម"។

តារាចម្រៀង Zion. T

ងាកទៅតារាកិត្តិយសម្នាក់ទៀតរបស់កម្មវិធី គឺតារាចម្រៀង Zion. T ក៏បាននិយាយដែរថា៖ "តាំងពីខ្ញុំធ្លាប់រស់នៅជាមួយមនុស្សជាច្រើនមក ខ្ញុំបែរជាចង់ចំណាយពេលនៅផ្ទះម្នាក់ឯង។ ពេលណាខ្ញុំទំនេរពីការងារ ខ្ញុំចូលចិត្តដេកមើលរឿងនៅផ្ទះ និងជិះលានដើរលេងម្នាក់ឯងជាដើម”។

ចំណង់ចំណូលចិត្តមនុស្សម្នាក់ៗ វាមានភាពខុសប្លែកពីគ្នា តែពេលខ្លះក៏អាស្រ័យលើស្ថានភាពរស់នៅរបស់មនុស្សក្នុងពេលបច្ចុប្បន្នដែរ។ ខ្លះចូលចិត្តភាពស្ងប់ស្ងាត់ ផ្ទុយពីអ្នកផ្សេងទៀតដែលចូលចិត្តភាពអ៊ូអរ៕

ចុចអាន៖

ប្រភព៖ Allkpop ប្រែសម្រួល៖ យី សុធារី