មកដឹងជីវប្រវត្តិសំខាន់ៗក្នុងជីវិតរបស់កំពូលតារាចម្រៀង CL ទាំងអស់គ្នា!

2017-12-07 07:53:52
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង CL ដែលមានឈ្មោះពិត Lee Chae Rin ជាតារាស្រីដែលអ្នកគាំទ្រតែងឲ្យរហស្សនាមថាជា "Queen”។ កន្លងផុតអស់រយៈពេលជាច្រើនឆ្នាំក្នុងវិស័យសិល្បៈ នាងបានជួបប្រទះរឿងរ៉ាវជាច្រើន ប៉ុន្តែឧបសគ្គទាំងនោះមិនបានរារាំងមហិច្ឆតារបស់ CL ឲ្យឈប់ដើរទៅមុខឡើយ។

ទាក់ទងការងារសិល្បៈ អ្នកគាំទ្រមួយចំនួនច្បាស់ជាបានជ្រាបជាហែហូរហើយ ប៉ុន្តែពេលនេះសូមលើកយកនូវជីវប្រវត្តិរបស់នាង មកបង្ហាញប្រិយមិត្តឲ្យបានជ្រាប៖

*ឆ្នាំ ១៩៩១ ដល់ ២០០៧

CL ដែលមានឈ្មោះពេញ Lee Chae Rin កើតថ្ងៃទី ២៦ ខែកុម្ភៈ ឆ្នាំ ១៩៩១ នៅក្រុងសេអ៊ូល ប្រទេសកូរ៉េខាងត្បូង ប៉ុន្តែធំដឹងក្ដីនៅទីក្រុងប៉ារីស (ប្រទេសបារាំង), ទីក្រុង Tsukuba និង Tokyo (ប្រទេសជប៉ុន)។

នៅពេលមានអាយុ ១៣ឆ្នាំ នាងបានផ្លាស់ទៅរស់នៅទីក្រុងប៉ារីស ប្រទេសបារាំងម្នាក់ឯង ដើម្បីសិក្សារយៈពេល ២ឆ្នាំ។ លុះចម្រើនវ័យដល់អាយុ ១៥ឆ្នាំ CL ក៏បានឈ្នះការប្រកួតចូលក្នុងផលិតកម្ម YG។

តារាស្រីរូបនេះ បានទៅរស់នៅទីក្រុងហុងកុង ដើម្បីបន្តសាកលវិទ្យាល័យ ខណៈនាងទទួលបានអាហារូបករណ៍ឌុប ពោលគឺទាំងជំនាញសេដ្ឋកិច្ច និងគណនេយ្យ ពីសាកលវិទ្យាល័យហុងកុង។

ឆ្នាំ ២០០៧ ជាឆ្នាំដែលតារាស្រីរូបនេះចាប់ផ្ដើមបង្ហាញមុខក្នុងវិស័យសិល្បៈ។ ពេលនោះដែរ នាងបានចូលរួមជាមួយ ក្រុមចម្រៀង BIGBANG ច្រៀងបទ "Intro (Hot Issue)”។ ក្រោយមកទៀត CL ក៏បានបង្ហាញមុខជាលើកដំបូង លើឆាក Gayo Daejeon របស់ទូរទស្សន៍ SBS ជាមួយមិត្តរួមផលិតកម្ម។ រហូតដល់ឆ្នាំ ២០០៨ នាងមានឱកាសបង្ហាញមុខជាផ្លូវការ តាមរយៈបទចម្រៀង “DJ” ដែលច្រៀងរួមគ្នាជាមួយ តារាចម្រៀង Um Jung Hwa។

*ឆ្នាំ ២០០៩ ដល់ ២០១៤

CL បានក្លាយជាមេក្រុមចម្រៀង 2NE1 ដែលមានសមាជិក ៣នាក់ទៀតគឺ Park Bom, Sandara និង Minzy។ ក្រុមនេះបានបង្កើតទស្សនីយភាពពិសេសមួយជាមួយក្រុមចម្រៀងរៀមច្បង BIGBANG តាមរយៈបទចម្រៀង "Lollipop”។

កាន់តែពិសេស ឆ្នាំ ២០០៩នោះដែរ បទ "Fire” ក៏បានលេចរូបរាង ហើយតាមរយៈបទនេះ ប្រជាប្រិយភាពរបស់ 2NE1 ក៏ហក់ឡើងស្មានមិនដល់ ក្នុងនាមជាក្រុមនារីថ្មីនាឆ្នាំនោះ។ មិនត្រឹមតែប៉ុណ្ណោះ 2NE1 ក៏បានធ្វើឲ្យពិភពលោកមានការភ្ញាក់ផ្អើល ខណៈខ្លួនជាក្រុមនារីថ្មីថ្មោងក៏ពិតមែន តែអាចឈ្នះពានធំរបស់ MAMA ឆ្នាំ ២០០៩ គឺពាន "បទចម្រៀងល្អដាច់គេប្រចាំឆ្នាំ”។

ឆ្នាំនោះដដែល តារាស្រីរូបនេះ បានទទួលឱកាសពិសេសច្រើនណាស់ គឺបានច្រៀងរួមគ្នាជាមួយរៀមច្បង G-Dragaon និង Teddy Park បទចម្រៀងមានចំណងជើងថា "The Leaders”។ ក្រោយមកទៀត ពេលបញ្ចប់ការបង្ហាញបទ "I Don't Care” របស់ក្រុម CL និង Minzy ក៏បានសហការគ្នាច្រៀងបទ "Please Don't Go” ដែលជាទស្សនីយភាពថ្មីសម្រាប់អ្នកគាំទ្រ 2NE1។

CL និង Minzy

ឈានចូលដល់ឆ្នាំ ២០១៣ CL ក៏បានអភិវឌ្ឍខ្លួនជា តារាចម្រៀងទោល និងបានទទួលការគាំទ្រជាខ្លាំង តាមរយៈបទដំបូង "The Baddest Female”។

*ឆ្នាំ ២០១៥ ដល់ បច្ចុប្បន្ន

ថ្ងៃទី ១៤ ខែតុលា ឆ្នាំ ២០១៤ មានសេចក្ដីប្រកាសថា តារាស្រីពូកែរ៉េបរូបនេះ នឹងឈានជើងចូលក្នុងសហរដ្ឋអាមេរិក។ ឆ្នាំ ២០១៥ CL បាន សហការជាមួយផលិតករជនជាតិអាមេរិក Diplo និងក្រុមការងារ ៣ ទៅ៤នាក់ទៀត បង្កើតបទចម្រៀង Doctor Pepper”។ ឆ្នាំនោះដដែល នៅខែវិច្ឆិកា បទថ្មី "Hello Bitches”។

កាន់តែពិសេស ក្នុងឆ្នាំ ២០១៦ បទចម្រៀងថ្មី "Lifted” ក៏បង្ហាញខ្លួនឡើង។ ឆ្នាំ ២០១៧ ថ្ងៃទី ២២ ខែកញ្ញា បទ "No Better Feelin” ក៏បានលេចរូបរាងក្នុងរឿង "My Little Pony: The Movie”។

ចំណុចសំខាន់មួយផ្សេងទៀត ទោះបីក្រុម 2NE1 ត្រូវបែកបាក់ ប៉ុន្តែ CL នៅតែបន្តឈរលើវិថីសិល្បៈមិនឈប់ ជាពិសេសនាងក៏កំពុងវិវត្តខ្លួនឈានចូលក្នុងពិភពសិល្បៈអាមេរិកយ៉ាងស្វិតស្វាញដែរ។

សម្រាប់ជោគជ័យខ្លួននាងផ្ទាល់មានច្រើន ហើយខាងក្រោមជាពានដែលនាងទទួលបាន៖

ឆ្នាំ ២០១៣

ពាន "20's Style Award” ពីកម្មវិធី MNET 20's Choice Awards
ពាន "Best Dance Performance – Female Solo” តាមរយៈបទ "The Baddest Female” ពីកម្មវិធី MAMA
ពាន "Hottest Female Star of 2013” ពីកម្មវិធី MYX Philippines

ឆ្នាំ ២០១៤