ប្រទេស ៣នេះ គ្មានព្រលានយន្តហោះទេ តែមានវិធីទៅដល់ទីនោះ

2017-12-08 04:17:59
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលដែលអ្នកមានគម្រោងធ្វើដំណើរទៅក្រៅប្រទេស រឿងដំបូងដែលអ្នកប្រហែលជាអាចនឹងធ្វើ គឺការកក់សំបុត្រយន្តហោះ។ ទោះជាយ៉ាងណាក៏ដោយ នៅក្នុងប្រទេសមួយចំនួន អ្នកនឹងមិនអាចហោះហើរទៅដល់ផ្ទាល់នោះទេ។ អ្នកត្រូវធ្វើការហោះហើរទៅកាន់ប្រទេសណាមួយ ដែលនៅជិតគោលដៅដែលអ្នកចង់ទៅ និងត្រូវបន្តដំណើរតាមផ្លូវគោកទៀតដើម្បីទៅដល់ប្រទេសនោះ។

ជាក់ស្តែងប្រទេសទាំង ៣ខាងក្រោមនេះ គឺជាប្រទេសដែលមិនមានព្រលានយន្តហោះនោះទេ៖

១. រដ្ឋ ម៉ូណាកូ

រដ្ឋ ម៉ូណាកូ មានចំនួនប្រជាជនត្រឹម ៣៨ ៥០០នាក់ និងផ្ទៃដីសរុបត្រឹម ២គីឡូម៉ែត្រប៉ុណ្ណោះ ដែលជាហេតុមិនអាចសាងសង់ព្រលានយន្តហោះបាន។ អ្នកនឹងត្រូវធ្វើដំណើរទៅកាន់ព្រលានយន្តហោះអន្តរជាតិ Nice Côte d’Azur របស់ប្រទេសបារាំងជាមុនសិន និងត្រូវបន្តដំណើរតាមឡានរយៈពេល ២៥នាទីទៀតដើម្បីទៅដល់ ម៉ូណាកូ។

២. រដ្ឋ Liechtenstein

រដ្ឋដែលមានប្រជាជននិយាយភាសា អាល្លឺម៉ង់ មួយនេះមានផ្ទៃដីត្រឹម ១៦០គីឡូម៉ែត្រការ៉េប៉ុណ្ណោះ និងមិនមានព្រលានយន្តហោះនោះទេ។ ដើម្បីទៅដល់រដ្ឋនេះ អ្នកត្រូវហោះទៅកាន់ព្រលានយន្តហោះ St. Gallen-Altenrhein របស់ប្រទេសស្វីសដែលមានចម្ងាយជិត ៤០គីឡូម៉ែត្រពីរដ្ឋនេះ។

៣. រដ្ឋ Andorra

រដ្ឋតូចបំផុតទី ៦ក្នុងពិភពលោកមួយនេះមានផ្ទៃដីត្រឹម ៤៦៨ គីឡូម៉ែត្រដែលអ្នកអាចចំណាយពេលត្រឹម ២៥នាទីប៉ុណ្ណោះដើម្បីធ្វើដំណើរពីចុងម្ខាងនៃរដ្ឋទៅចុងម្ខាងទៀត។ ដោយសារតែរដ្ឋនេះស្ថិតក្នុងជ្រលងភ្នំ Pyreness ដែលជាហេតុមិនអាចសាងសង់ព្រលានយន្តហោះបាន។ ប៉ុន្តែអ្នកអាចទៅដល់ទីនោះបានដោយឆ្លងកាត់តាមប្រទេសបារាំង ឬអេស្ប៉ាញ។ ហើយជម្រើសដែលជិតបំផុតនោះគឺ អ្នកត្រូវហោះហើរទៅកាន់ព្រលានយន្តហោះ Girona-Costa Brava ក្នុងប្រទេសអេស្ប៉ាញជាមុនសិនដើម្បីទៅដល់ទីនោះ៕