ជិតមានហើយ ទូរសព្ទ Samsung មេម៉ូរីទំហំ ៥១២ GB

2017-12-09 01:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗ Samsung បានប្រកាសថាខ្លួនកំពុងចាប់ផ្តើមផលិតមេម៉ូរីដែលមានទំហំដល់ទៅ 512GB សម្រាប់បំពាក់លើស្មាតហ្វូនស៊េរីឆ្នាំ ២០១៨។

មេម៉ូរីម៉ាស៊ីន ៥១២ GB ដែលអាចនឹងចេញឆ្នាំ ២០១៨

មេម៉ូរីទំហំយក្ស 512GB នេះមានសមត្ថភាពអាចផ្ទេរ(Transfer)ឯកសារបានលឿនមែនទែន ដោយល្បឿនចម្លងទិន្នន័យចូល (Write) បានដល់ ២៥៥ មេហ្គាបៃក្នុងមួយវិនាទី(255 MB/s) និងចម្លងទិន្នន័យចេញ (read) បានដល់ ៨៦០ មេហ្គាបៃក្នុងមួយវិនាទី(860 MB/s)។

ឯល្បឿនផ្ទេរវីដេអូទំហំ 5GB វិញវាអាចធ្វើបានលឿនជាង ៦ ដងបើធៀបនឹងល្បឿន SSD ជំនាន់ឥឡូវ។ បើធៀបជាមួយមេម៉ូរីប្រភេទ MicroSD ល្បឿនវាលឿនជាង ៨ ដង។

ចំពោះល្បឿន Random វីដេអូវិញ មេម៉ូរីនេះអាចចម្លងទិន្នន័យចេញ (read) ដល់ 42,000 IOPS និងល្បឿនចម្លងទិន្នន័យចូល (Write) បានដល់ 40,000 IOPS ល្បឿននេះអាចនិយាយបានថា វាលឿនជាង ៤០០ ដងនៃល្បឿន MicroSD។

(IOPS=Input/Output Opeations per second ល្បឿនដំណើរការ Input/Output ក្នុងមួយវិនាទី)

រូបគំរូ Galaxy S9 | រូបភាព៖ Beebom

យោងតាមប្រភពពី Samsung newsroomរបស់ក្រុមហ៊ុនបច្ចេកវិទ្យាយក្សកូរ៉េខាងត្បូង ឲ្យដឹងថា នេះជាមេម៉ូរីដំបូងដែលសហគ្រាសផលិតស្មាតហ្វូន កំពុងផ្ដល់កម្រិតថ្មីមួយទៀតឲ្យវា។ ស្មាតហ្វូនដែលនឹងបំពាក់មេម៉ូរីម៉ាស៊ីនទំហំ 512GB នេះអាចរក្សាទុកបានវីដេអូទំហំ 4K Ultra HD បានចំនួន ១៣០ វីដេអូឃ្លីប និងថែមទាំងអាចរក្សាទុករូបភាពបានពេញមួយឆ្នាំតែម្ដង។

ចំពោះស្មាតហ្វូនដែលមានភាគរយខ្ពស់ ថាអាចនឹងមានសំណាងបំពាក់មេម៉ូរីទំហំយក្សនេះគឺ Galaxy S9 និងស្មាតហ្វូនបន្តបន្ទាប់ទៀតដែល Samsung ត្រៀមបញ្ចេញនៅឆ្នាំ ២០១៨ ខាងមុខនេះ៕