មកស្គាល់សត្វរីករាយបំផុតលើលោក មានទាំងរូបថតស្អាតៗ

2017-12-10 06:36:07
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វមួយប្រភេទនៅប្រទេសអូស្ត្រាលី ឈ្មោះ Guokka ត្រូវបានចាត់ទុកជាសត្វដែលរីករាយបំផុតលើលោក ព្រោះសកម្មភាពប្រចាំថ្ងៃរបស់វាហាក់គ្មានទុក្ខកង្វល់ ហើយចូលចិត្តលេងជាមួយមនុស្ស ដោយគ្មានការខ្លាចរអាឡើយ។

Guokka ជាអម្បូរសត្វកង់ហ្គូរូ មានថ្នក់ពោះសម្រាប់ដាក់កូន ប៉ុន្តែមានខ្លួនធំជាងកណ្ដុរបន្តិចប៉ុណ្ណោះ។ សត្វនេះ មានតែនៅកោះតូចៗមួយចំនួន នៃប្រទេសអូស្ត្រាលី ដូចជាកោះ Rottnest និងកោះ Bald។ វាអាចរស់នៅបានរហូតដល់ទៅ ១០ឆ្នាំ ប្រសិនបើគ្មានជំងឺ ឬការយាយីណាមួយពីធម្មជាតិ។

មូលហេតុដែលចាត់ទុកជាសត្វរីករាយបំផុតលើលោក ព្រោះ Guokka ខុសពីសត្វដទៃ។ វាមិនចេះខ្លាចមនុស្សឡើយ ហើយថែមទាំងចូលចិត្ត Selfie ទៀតផង។ មនុស្សភាគច្រើនដែលឃើញ Guokka នាំគ្នាទាញទូរសព្ទមកថត Selfie ជាមួយវាយ៉ាងស្រស់ស្អាត។ ទោះបែបនេះក្ដី សត្វនេះត្រូវការពារណាស់ ហើយបើហ៊ានដាក់ចំណីឲ្យស៊ី អាចប្រឈមនឹងការពិន័យ ៣០០ដុល្លារអូស្ត្រាលី(ប្រហែល ២២៥ដុល្លារ)។

មើលរូបភាព cute cute ខាងក្រោមនេះ៖