តាមពិត ភពអង្គារយកឈ្មោះតាមអធិរាជចម្បាំងរ៉ូម៉ាំង

2017-12-12 04:15:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ភពអង្គារ (Mars) ដែលអ្នកវិទ្យាសាស្ត្របានកំណត់ជាគោលដៅក្នុងការស្រាវជ្រាវនិងបញ្ជូនមនុស្សទៅរស់នៅនាពេលអនាគតដែលឈ្មោះរបស់វាជាប់ពាក់ព័ន្ធទៅនឹងអធិរាជចម្បាំងរ៉ូម៉ាំង ។

ភពទី ៤ និងតូចជាងគេលំដាប់ទី២ក្នុងប្រព័ន្ធព្រះអាទិត្យបន្ទាប់ពីភពពុធ (Mercury) បានយកឈ្មោះតាមអធិរាជចម្បាំងរ៉ូម៉ាំង Marsដែលអង់អាចនិងមានឈាមក្រហមប្រឡាក់ជោគជាំ ។ ដោយឡែកប្រទេសជាតិដទៃផ្សេងទៀតក៏បានដាក់ឈ្មោះភពអង្គារពីគុណលក្ខណៈនេះដែរដូចជាជនជាតិអេហ្ស៊ីបបានដាក់ឈ្មោះវាថា “Her Desher” មានន័យថា “ពណ៌ក្រហម” ។

ចាប់តាំងពីពេលនោះមកភពអង្គារមានឈ្មោះក្រៅមួយទៀតគឺភពក្រហមព្រោះតែវាមានសមាសធាតុគីមីអុកស៊ីតដែលពណ៌ក្រហមនៅលើផ្ទៃរាបរបស់ភពដែលធ្វើឱ្យវាមានពណ៌ក្រហមឆ្អិនឆ្អៅដូចរងើកភ្លើងកំពុងឆេះយ៉ាងដែលខុសប្លែកពីភពដទៃទៀតក្នុងចក្កវាឡអាចមើលឃើញនឹងភ្នែកទទេរបាន ។ ភពអង្គារមានព្រះចន្ទ ឬជាផ្កាយរណបធម្មជាតិចំនួនពីរគឺ Phobos និង Deimos ហើយសមាសភាគឧស្ម័ននៅលើភពអង្គារមានដូចជា កាបូនឌីអុកស៊ីត ៩៥,៩៧% អាហ្គុង ១,៩៣% នីដ្រូសែន ១,៨៩% ។ អុកស៊ីសែន ០,១៤៦% និងកាបូនមូណូអុកស៊ីត ០,០៥៥៧% ។

គួរបញ្ជាក់ថា ក្រុមអ្នកវិទ្យាសាស្រ្តទូទាំងពិភពលោកកំពុងសិក្សាស្រាវជ្រាវយ៉ាងលម្អិតពីភពអង្គារពាក់ព័ន្ធនឹងការរស់រានមានជីវិតតាំងពីអតីតកាល ខណៈបេសកកម្មអនាគតត្រូវបានរៀបចំឡើងដូចជាបេសកកម្ម Mars ២០២០ របស់អង្គការណាសានិង ExoMars របស់ទីភ្នាក់ងារអវកាសអឺរ៉ុបហៅកាត់ថា ESA ជាដើម៕

https://en.wikipedia.org/wiki/Mars

ប្រភព៖ Wikipedia | NASA ប្រែសម្រួល៖ សិរីបុទ្រ