Google ចេញកម្មវិធីថ្មី ជួយឲ្យស្មាតហ្វូនស៊ីអ៊ីនធឺណិតតិច

2017-12-13 01:56:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Google បានបញ្ចេញនូវកម្មវិធីថ្មីមួយ ឈ្មោះថា Datally អាចរក្សាការត្រួតពិនិត្យលើកម្មវិធីដទៃទៀត។ កម្មវិធីនេះដំណើរការលើប្រតិបត្តិការ Android។ Datally អាចជួយអ្នកសិក្សាស្វែងយល់កាន់តែច្រើនអំពីវិធីដែលកម្មវិធីប្រើប្រាស់ទិន្នន័យ (អ៊ីនធឺណិត)។ ស្ទើរតែគ្រប់យ៉ាងអ្នកធ្វើលើស្មាតហ្វូនតម្រូវការទិន្នន័យ ដែលភាគច្រើនយើងតែងតែចង់ប្រើ Wi-Fi ដូចជាការមើលវីដេអូ ការជជែកកំសាន្តជាដើម។ ក្រុមហ៊ុន Google ចង់ជួយអ្នកសន្សំសំចៃទិន្នន័យប្រើប្រាស់ ហើយគិតថា Datally ជាដំណោះស្រាយសម្រាប់បញ្ហានេះ។

Datally ជាកម្មវិធីដាច់ដោយលែកមានទំហំប្រហែល ៦MB ដែលមានមុខងារជាច្រើនត្រូវបានលាក់ក្នុង Setting របស់ Android ហើយវាអាចជួយអ្នកឲ្យយល់ពីទិន្នន័យ ដោយបង្ហាញអ្នកពីចំនួនប្រើប្រាស់ទិន្នន័យប្រចាំថ្ងៃ ប្រចាំសប្តាហ៍ និងប្រចាំខែ ហើយក៏ណែនាំពីរបៀបសន្សំសំចៃទិន្នន័យផងដែរ។ Datally អាចជួយគ្រប់គ្រងទិន្នន័យអ្នកដោយប្រើ Data Saver។ វាអាចរារាំងកម្មវិធីជាច្រើនពីការប្រើទិន្នន័យក្នុង Background ហើយអាចឲ្យអ្នកតាមដានទិន្នន័យប្រើប្រាស់ភ្លាមៗសម្រាប់កម្មវិធីនីមួយៗ។ Datally អាចជួយអ្នកសន្សំសំចៃទិន្នន័យដោយប្រាប់ឲ្យអ្នកដឹងពេលចូលប្រើ Wi-Fi។

Google បានសាកល្បងប្រើ Datally ក្នុងប្រទេសហ្វីលីពីនអស់ពេលជាច្រើនខែ ហើយបានអះអាងថាមនុស្សប្រើកម្មវិធីនេះសន្សំសំចៃដល់ទៅ ៣០% នៃទិន្នន័យរបស់ពួកគេ ហើយបច្ចុប្បន្ន កម្មវិធីនេះអាចប្រើបានទូទាំងពិភពលោកពី Google Play Store សម្រាប់រាល់ទូរស័ព្ទដំណើរការចាប់ពី Android 5.0 ឡើងទៅ៕