ចង់ប្រើមុខងារ iMessage លើ Android ឥឡូវប្រើបានហើយ

2017-12-13 04:38:31
ចំនួនមតិ 0 | ចំនួនចែករំលែក 0

ចន្លោះមិនឃើញ

weMessage ជាកម្មវិធីទំនាក់ទំនងថ្មីមួយទៀត ដែលបង្កើតដោយអ្នកអភិវឌ្ឍកម្មវិធីវ័យ ១៦ ឆ្នាំម្នាក់ឈ្មោះ Roman សម្រាប់អ្នកប្រើស្មាតហ្វូន Android ទូទៅដែលចង់បានមុខងារ iMessage ទាក់ទងដោយផ្ទាល់រវាងអ្នកប្រើ iOS និង Android។

ចុចដោនឡូតនៅទីនេះ Play Store

ដំណើរការកម្មវិធី weMessage អ្នកអភិវឌ្ឍកម្មវិធីវ័យក្មេងរូបនេះឲ្យដឹងថា ចាំបាច់ត្រូវមាន Software ពីរគឺទីមួយ ចូលទៅដោនឡូតកម្មវិធី weMessage ពី Play Store និងមួយទៀតតំឡើង weServer លើកុំព្យូទ័រ Mac របស់អ្នក។ តែគ្មាន Mac គ្រាន់តែដោនឡូតពី Play Store ក៏អាចប្រើបានធម្មតាដែរ។

- weServer ជាស្ពានសម្រាប់ភ្ជាប់ទំនាក់ទំនងពី Mac ទៅឧបករណ៍ Android របស់អ្នក

អ្នកអភិវឌ្ឍកម្មវិធីវ័យក្មេងរូបនេះបន្ថែមថា weMessage អាចគាំទ្ររាល់ iMessage ទាំងអស់ហើយអ្នកក៏អាចឆាតដោយផ្ទាល់ បង្កើតជាក្រុម ផ្ញើឯកសារ អាចបន្ថែមឬដកមិត្តភក្តិអ្នកចេញ-ចូលបានទាំងអស់ ថែមទាំងមាន notifications, មុខងារបិទContact (Contact Blocking) និងមុខងារដាក់រូបភាពលើ Contact ផងដែរ។

បច្ចុប្បន្នមាន Apps សម្រាប់ការទំនាក់ទំនងគ្នាជាច្រើនកំពុងប្រជែងគ្នាយកប្រជាប្រិយភាពរៀងខ្លួនដូចជា WhatApp, Telegram, Facebook Messenger, QQ, Line និងVibo ប្រើទូរសព្ទទាំងពីរប្រភេទ Android និង iOS។ យ៉ាងណាមិញចំពោះ iMessage ដែលជាស្ដុកដើមរបស់ Apple ក៏មានការប្រើប្រាស់មិនចាញ់កម្មវិធីទាំងប៉ុន្មានខាងលើដែរ ខណៈដែលអ្នកប្រើ Android បើចង់ប្រើពិបាកបន្តិចព្រោះ Apple ដាក់ឲ្យទាញយកសម្រាប់តែ App Store ប៉ុណ្ណោះ។

ទស្សនាវីដេអូ ដើម្បីមើលពីដំណើរការ