PCX 150 ស៊េរីថ្មី ២០១៨ ចេញមុខមាត់ពិតហើយ
- 2017-12-13 07:14:38
- ចំនួនមតិ 0 | ចំនួនចែករំលែក 0
PCX 150 ស៊េរីថ្មី ២០១៨ ចេញមុខមាត់ពិតហើយ
ចន្លោះមិនឃើញ
ប៉ុន្មានម៉ោងមុននេះ ក្រុមហ៊ុនហុងដាប្រទេសថៃ រួមទាំងប្រចាំប្រទេសឥណ្ឌូណេស៊ីបានធ្វើការបង្ហាញចេញរូបរាងម៉ូតូ PCX 150 ស៊េរីថ្មី ជាផ្លូវការ។
រចនាបថ PCX 150 ស៊េរីថ្មីនេះខុសប្លែកពីស៊េរីមុន ជាពិសេសនៅត្រង់អំពូលភ្លើង មុខ/ក្រោយ ដែលជាប្រភេទអំពូល LED។ ចំណុចពិសេសមួយទៀតរបស់ម៉ូតនេះគឺមានជាភ្លើង Welcome Light ដែលអាចបំភ្លឺឡើងតាមការចុចលើសោ Smart Key អាចឲ្យរកទីតាំងម៉ូតូបានលឿន។
សូម្បីតែកុងទ័រក៏បានប្ដូរមកជាប្រភេទកុងទ័រឌីជីថល LCD សុទ្ធ ដែលអាចបង្ហាញព័ត៌មានសំខាន់ៗជាច្រើនទាក់ទងនឹងដំណើរការរបស់ម៉ូតូ។ ឃ្លុបម៉ូតូមានទំហំធំអាចដាក់ឥវ៉ាន់បានច្រើន និងអាចទុកមួកសុវត្ថិភាពបានផងដែរ។ PCX 150 ស៊េរីថ្មីមានបំពាក់បច្ចេកវិទ្យាទំនើបៗដូចជាប្រព័ន្ធម៉ាស៊ីន PGM-Fi ចំណុះ ១៥០ សេសេ, បច្ចេកវិទ្យា Idling Stop System, ប្រព័ន្ធហ្វ្រាំង Combi Brake។
ក្រុមហ៊ុនហុងដាប្រទេសថៃ នឹងបញ្ចេញលក់ PCX 150 ស៊េរីថ្មីនេះ ចាប់ពីថ្ងៃទី ២១ ខែធ្នូ ឆ្នាំ ២០១៧ នេះតទៅ ក្នុងតម្លៃ ៨២ ៣០០ បាត (ប្រហែល ២ ៥០០ ដុល្លារ) និងមានពណ៌បួនជម្រើសរួមមាន ប្រផេះ, ខ្មៅ, ក្រហម និង ខ្មៅលាយ ស៕