តារានិកររបស់អ្នក អាចប្រាប់អ្នកពីជីវិតស្នេហា នៅឆ្នាំ២០១៨បាន!

2017-12-13 09:36:04
ចំនួនមតិ 0 | ចំនួនចែករំលែក 0

ចន្លោះមិនឃើញ

អាថ៌កំបាំងនៃជីវិតស្នេហាត្រូវបានបង្កប់នៅក្នុងតារានិករនៃឆ្នាំរបស់អ្នក។ រឿងរ៉ាវជាច្រើនអាចនឹងត្រូវបានដឹង តាមរយៈការស្វែងយល់បន្ថែមពីតារានិករនីមួយៗ។ ស្នេហាគឺជារឿងមួយដែល តារានិករអាចបង្ហាញពីអ្នក។

មកស្វែងយល់បន្ថែមថាតើជីវិតស្នេហារបស់អ្នក នឹងទៅជាយ៉ាងណានៅឆ្នាំ ២០១៨ បើផ្អែកទៅតាមតារានិករ ដោយគ្រាន់មើលតាមតារានិកររបស់អ្នកក្នុងសតារាងខាងក្រោមនេះ ៖

ARIES (២១ មិនា ដល់ ១៩ មេសា)

នៅឆ្នាំ ២០១៨ អ្នកនឹងមានការផ្លាស់ប្តូរយ៉ាងខ្លាំងក្នុងរឿងស្នេហា ដោយសារតែអ្នកនឹងជួបមនុស្សម្នាក់ដែលចង់បានទំនាក់ទំនងយូរអង្វែង និងមិនដូចសេ្នហាដែលអ្នកធ្លាប់ឆ្លងកាត់ក្នុងឆ្នាំ ២០១៧ នោះទេ។ ក្នុងឆ្នាំកន្លងទៅ អ្នកបានផ្តល់ឱកាសឱ្យខ្លួនឯងដើម្បីទទួលបានបទពិសោធន៍ប៉ុណ្ណោះ។

TAURUS (២០ មេសា ដល់ ២១ ឧសភា)

នៅឆ្នាំ ២០១៨ អ្នកនឹងខិតខំដើម្បីឱ្យមានសេរីភាព និងឯករាជ្យ ច្រើនជាងឆ្នាំមុន ដោយសារអ្នកមានអារម្មណ៍ថាមាននរណាម្នាក់រំខានដល់សេរីភាពរបស់អ្នក។ ក្នុងឆ្នាំថ្មីអ្នកនឹងបោះបង់ចោលអារម្មណ៍មួយចំនួនដែលអ្នកធ្លាប់មានចំពោះអ្នកចាស់ ឬមិត្តភក្តិ ដើម្បីតែសេរីភាពរបស់អ្នក។

GEMINI (២២ ឧសភា ដល់ ២១ មិថុនា)

ភាពឯកោគឺជាសត្រូវធំបំផុតរបស់អ្នក ហើយនៅឆ្នាំ ២០១៨ អ្នកនឹងដឹងថាសុភមង្គលរបស់អ្នកមិនស្ថិតនៅលើមនុស្សណាម្នាក់ ឬរបស់ណាមួយនោះឡើយ។ អ្នកនឹងរកឃើញសេរីភាពថ្មីនិងរឿងតូចៗមួយចំនួនដែលធ្វើឱ្យអ្នកសប្បាយចិត្ត។ អ្នកបានរស់នៅជាមួយភាពឯកាជាយូរមកហើយ ដែលវាធ្វើឲ្យប៉ះពាល់ដល់គំនិតច្នៃប្រឌិតក្នុងការងារ និងអាជីវកម្មរបស់អ្នក។

CANCER (២២ មិថុនា ដល់ ២២ កក្កដា)

នៅឆ្នាំ 2018 អ្នកនឹងលុបបំបាត់ការចងចាំ និងបំភ្លេចកំហុសរបស់អ្នកនៅក្នុងអតីតកាល ដោយសារតែអ្នកបានផ្ដល់ឱកាសជាច្រើនទៅកាន់មនុស្សខុស ។ រហូតមកដល់ពេលនេះ អ្នកធ្វើខ្លួនដូចជាចូលចិត្តឬលង់ស្រលាញ់នរណាម្នាក់ ប៉ុន្តែនៅឆ្នាំថ្មី អ្នកបោះបង់ចោលអតីតកាលហើយត្រៀមខ្លួនជួបមនុស្សម្នាក់ ដែលសមស្របសម្រាប់អ្នក។

LEO (២៣ កក្កដា ដល់ ២២ សីហា)

ស្ថេរភាពនឹងក្លាយជាកត្តាដ៏សំខាន់សម្រាប់អ្នកនៅឆ្នាំ ២០១៨ ។ អ្នកនឹងខកចិត្តច្រើនដងក្នុងរឿងស្នេហា ប៉ុន្តែនៅទីបញ្ចប់អ្នកនឹងលង់ស្រលាញ់មនុស្សម្នាក់ដែលអ្នកមិននឹកស្មានដល់ និងមិនដែលស្គាល់ពីមុនមក។ អ្នកគួរតែបន្តស្វែងរកជីវិតស្នេហាពិតប្រាកដបន្តទៀត បើទោះបីជាឆ្នាំ ២០១៨ មិនមែនជាឆ្នាំដែលអ្នកនឹងរៀបការក៏ដោយ។

VIRGO (២៣ សីហា ដល់ ២២ កញ្ញា)

នៅទីបំផុតតារានិករ Virgos នឹងមានសុភមង្គលនៅឆ្នាំ ២០១៨ ។ ទោះបីជាអ្នកគិតថា អ្នកមានបញ្ហាយ៉ាងខ្លាំងចំពោះការលង់ស្រលាញ់នរណាម្នាក់ក៏ដោយ ប៉ុន្តែអ្នកគួរជឿថានេះគឺជាឆ្នាំដែលអ្នកនឹងធ្លាក់ក្នុងអន្លង់ស្នេហ៍យ៉ាងខ្លាំង ហើយអ្នកនឹងបំភ្លេចអ្វីៗទាំងអស់នៅជុំវិញអ្នក។

LIBRA (២៣ កញ្ញា ដល់ ២២ តុលា)

នៅឆ្នាំ ២០១៨ អ្នកនឹងធ្វើឲ្យទំនាក់ទំនងដែលអ្នកកំពុងស្ថិតនៅ ឈានចូលកម្រិតថ្មីមួយទាំងស្រុង។ អ្នកនឹងកាន់តែជឿជាក់ថា មនុស្សម្នាក់នេះនឹងចំណាយពេលជាមួយអ្នកអស់មួយជីវិត។ ទំនាក់ទំនងនេះនឹងក្លាយជាទំនាក់ទំនងយូរអង្វែង ហើយអ្នកទាំងពីរនឹងរីករាយជាមួយវា។

SCORPIO (២៣ តុលា ដល់ ២២ វិច្ឆិកា)

ទោះបីជាអ្នកធ្លាប់បានព្យាយាមគេចវេះពីស្នេហាយូរអង្វែងជាមួយនរណាម្នាក់ក៏ដោយ នៅឆ្នាំ ២០១៨ នេះ មនុស្សម្នាក់នឹងទទួលបានចំណាប់អារម្មណ៍ពីអ្នក ហើយអ្នកនឹងទទួលបានអារម្មណ៍វិជ្ជមានពីស្នេហាថ្មីនេះ។ អ្នក មិនត្រូវបដិសេធភ្លាមៗនូវអ្វីដែលត្រូវបានផ្តល់ឱ្យអ្នក ដូចដែលអ្នកធ្លាប់បានធ្វើពីមុនមកនោះទេ អ្នកគួរតែផ្ដល់ឱកាសដល់ស្នេហាថ្មីមួយនេះ។

SAGITTARIUS (២៣ វិច្ឆិកា ដល់ ២១ ធ្នូ)

នៅឆ្នាំ ២០១៨ អ្នកនឹងបោះបង់ចោលមនុស្សដែលអ្នកខ្ជះខ្ជាយពេលវេលាគិតថាពួកគេស្រឡាញ់អ្នក ដោយសារតែពួកគេចំណាយពេលតិចតួចប៉ុណ្ណោះសម្រាប់អ្នក។ អ្នកនឹងបោះបង់ចោលមនុស្សទាំងអស់ ដែលបានធ្វើឱ្យអ្នកអាម៉ាស់មុខហើយអ្នកនឹងកោតសរសើរខ្លួនឯងដែលផ្តល់ឱកាសដល់នរណាម្នាក់ដែលស្រឡាញ់អ្នកពិតប្រាកដ។

CAPRICORN (២២ ធ្នូ ដល់ ២០ មករា)

នៅឆ្នាំ ២០១៧ អ្នកមានភាពអត់ធ្មត់ គួរសម និងសមហេតុផលខ្លាំងពេក ដូចនេះអ្នកគួរតែអនុញ្ញាតឲ្យខ្លួនឯងចង់ដឹងចង់ឃើញអ្វីដែលថ្មី និងបើកចិត្តគំនិតខ្លួនឯងឲ្យបានច្រើនជាងមុន ។

AQUARIUS (២១ មករា ដល់ ១៨ កុម្ភៈ)

មនុស្សដែលអ្នកនឹងជួបនៅឆ្នាំ ២០១៨ ប្រហែលមិនមែនជាជីវិតស្នេហាពិតប្រាកដរបស់អ្នកនោះទេ ប៉ុន្តែគេនឹងជួយឲ្យអ្នកផ្លាស់ប្តូរទៅជាមនុស្សថ្មី ដែលមិនភ័យខ្លាចក្នុងការរីករាយនឹងជីវិតរបស់អ្នក។ មនុស្សម្នាក់នេះ អាចជាមនុស្សដែលអ្នកជួបគ្នាដោយចៃដន្យនៅកន្លែងដែលអ្នកឧស្សាហ៍ទៅ ឬអាចជាមនុស្សពីអតីតកាលដែលអ្នកធ្លាប់មានអារម្មណ៍អ្វីមួយចំពោះគេ។ វាអាចកើតឡើងនៅហាងកាហ្វេណាមួយ ប៉ុន្តែចូរកុំធ្វើការសន្និដ្ឋានឆាប់រហ័សពេក។

PISCES (១៩ កុម្ភៈ ដល់ ២០ មិនា)

នៅឆ្នាំ ២០១៨ អ្នកនឹងរកឃើញមនុស្សម្នាក់ដែលទទួលយកបេះដូងដ៏ល្អនិងក្ដីអាណិតអាសូររបស់អ្នកចំពោះនាក់នៅជុំវិញខ្លួន។ អ្នកនឹងទទួលបានទំនាក់ទំនងដែលប្រកបដោយសេចក្តីស្រឡាញ់ ការយោគយល់គ្នា ការសប្បាយ និងការផ្សងព្រេង។ អ្នកត្រូវប្រាកដថាអ្នកនឹងជួបមនុស្សដែលត្រឹមត្រូវ ដូច្នេះចូរកុំបំផ្លាញអ្វីទាំងអស់ដោយសារការធ្វើសន្និដ្ឋានឆាប់ពេក៕

ចុចអាន៖

ប្រភព៖ interesting ប្រែសម្រួល៖ រ័ត្ន