នាយ ចឺម បែកគំនិតថ្មីក្រោយពីផ្អាកកំប្លែងនៅ CTN

2017-12-14 03:38:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីឲ្យ តាវ៉ិចទ័រ រំភើបចិត្តស្ទើរទប់ទឹកភ្នែកមិនបាន មុនផ្អាកពីក្រុមកំប្លែងទូរទស្សន៍ CTN កាលពីថ្ងៃទី២៧ ខែ វិច្ឆិកា កន្លងទៅ ស្រាប់តែពេលនេះ នាយ ចឺម និង ឈុន សុវណ្ណភក្ដី ត្រូវជាបងធម៌បានធ្វើឲ្យមហាជនមានការភ្ញាក់ផ្អើលជាថ្មីម្ដងទៀត បន្ទាប់ពីឃើញវត្តមានអ្នកទាំងពីរនៅផ្សារ កុងទីណ័រ ទួលសង្កែ ស្ទើររៀងរាល់ថ្ងៃ។

នាយ ចឹម និង ឈុន សុវណ្ណភក្ដី អង្គុយក្នុងហាងផឹកស៊ីរបស់ខ្លួន

ពាក់ព័ន្ធករណីខាងលើនេះដែរ នាយ ចឺម បានប្រាប់ Sabay ថា ខ្លួននិងបងធម៌ ឧស្សាហ៍ទៅផ្សារកុងទីណ័រ ទួលសង្កែស្ទើររៀងរាល់ថ្ងៃ ដោយសារតែនាយបានបើកហាងផឹកស៊ីមួយកន្លែងនៅទីនោះ។ ហេតុដូច្នេះហើយត្រូវចេញចូលដើម្បីទៅមើលខុសត្រូវ ក្នុងនាមជាម្ចាស់ហាង និងពញ្ញាក់អារម្មណ៍មហាជនមួយចំនួនដែលទៅដើរលេងកម្សាន្ត។

ម្ចាស់បទ"អារហាម" រៀបរាប់ថា ការបើកហាងផឹកស៊ីនេះខ្លួននិង សុវណ្ណភក្ដី បែកគំនិតរកស៊ីយូរហើយតែពេលវេលាមិនអំណោយផលទើបចេះតែពន្យារពេលម្ដងហើយម្ដងទៀត ទម្រាំចេញជារូបរាងផ្លែផ្កាដូចសព្វថ្ងៃនេះ។

នាយថា៖ " ហាងផឹកស៊ីមួយនេះពួកខ្ញុំបានចូល ហ៊ុនគ្នាក្នុងម្នាក់ ៧០០០ ពាន់ដុល្លារ សរុបទៅ ១៤០០០ ពាន់ដុល្លារ"។ គួរបញ្ជាក់ថាមកដល់ពេលនេះហាង នាយ ចឺម និង សុវណ្ណភក្ដី ដំណើរការបានរយៈពេលកន្លះខែ៕