Ronaldo បំបែកកំណត់ត្រាមួយនៅ Club World Cup

2017-12-14 02:50:59
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីរកបានមួយគ្រាប់ជួយ Real Madrid ឈ្នះ Al Jazira កីឡាករ Cristiano Ronaldoបានវ៉ា Lionel Messi និង Luis Suarez ឡើងឈរជាអ្នកទាត់បញ្ចូលទីច្រើនជាងគេនៅ FIFA Club World Cup។

ខ្សែប្រយុទ្ធរបស់ Barcelona ទាំងពីរមាន៥គ្រាប់ក្នុងដៃ បន្ទាប់ពីធ្លាប់ចូលលេងក្នុងកម្មវិធីនេះនាពេលកន្លងទៅ។ Ronaldo ដែលមានគ្រប់ស្មើជាមួយ Messi និង Suarez ក្រោយរកបានមួយគ្រាប់កាលពីយប់មិញ គេបានឡើង៦គ្រាប់ ឈរជាអ្នកទាត់បញ្ចូលទីច្រើនជាងគេតែម្នាក់ឯងគត់។

នេះគឺជាការបង្ហាញខ្លួនលើកទី៤របស់កីឡាករព័រទុយហ្គាល់នៅព្រឹត្តិការណ៍ Club World Cup ដោយគេរកបានគ្រាប់ដំបូងនៅឆ្នាំ២០០៨ ពេលលេងនៅ Manchester United។ បន្ទាប់មកនៅឆ្នាំ២០១៤ គេបានបង្ហាញវត្តមានម្ដងទៀតជាមួយ Madrid តែមិនអាចរកគ្រាប់បាល់បាន។ នៅឆ្នាំ២០១៦ ម្ចាស់ពាន Ballon d’Or មានលេងក្នុងកម្មវិធីនេះសាជាថ្មី និងរកបាន៤គ្រាប់។

ចុងក្រោយនៅឆ្នាំ២០១៧ រកបានមួយគ្រាប់ទៀត តែការប្រកួតមិនទាន់អស់ទេ នៅសល់វគ្គផ្ដាច់ព្រ័ត្រមួយប្រកួតទៀតជួបជាមួយក្រុម Grêmio នៅថ្ងៃទី ១៦ ខែ ធ្នូ ឆ្នាំ ២០១៧នេះ ដូច្នេះ Ronaldo នៅសល់ឱកាសរកគ្រាប់បាល់បន្ថែម៕