Pep កាន់​កំណត់​ត្រា ឈ្នះ​ប្រកួត​យូរ​បំផុត ក្នុង​លីគ​អឺរ៉ុប​ធំៗ​ដល់​ទៅ​ ៣

  • 2017-12-14 13:24:22
  • ចំនួនមតិ

ចន្លោះមិនឃើញ

បន្ទាប់​ពី​ដឹកនាំ​ឈ្នះ​ដល់​ទៅ ១៥​ប្រកួត​ជាប់​ៗ​គ្នា ក្នុង​លីគ​កំពូល​អង់គ្លេស អ្នក​ចាត់​ការ​ក្លឹប Manchester City លោក Pep Guardiola នៅ​ពេល​នេះ​កាន់​កំណត់​ត្រា​ជា​អ្នក​ចាត់​ការ​ដែល​ឈ្នះ​ប្រកួត​យូរ​បំផុត​ក្នុង​លីគ​អឺរ៉ុប​យក្ស​ៗ​ដល់​ទៅ​បី។ នេះ​បើ​តាម​ស្ថិតិ​របស់ Opta។

លីគ​ធំៗ​ទាំង​នោះ​មាន​ដូច​ជា អេស្ប៉ាញ អាល្លឺម៉ង់ និង​អង់គ្លេស។ នៅ​អេស្ប៉ាញ លោក Pep បាន​ដឹកនាំ Barcelona ឲ្យ​ឈ្នះ​ជាប់​គ្នា​រហូត​ដល់​ទៅ ១៦​ប្រកួត​ជាប់​គ្នា ក្នុង​រដូវ​កាល​ ២០១០/២០១១។ ចំណែក​ឯ​នៅ​អាល្លឺម៉ង់​វិញ អ្នក​ចាត់​ការ Catalan រូប​នេះ បាន​ឈ្នះ​រហូត​ដល់​ទៅ ១៩ ប្រកួត​ នា​រដូវ​កាល ២០១៣/២០១៤។ ដោយ​ឡែក ងាក​មក​អង់គ្លេស​វិញ គិត​មក​ទល់​ពេល​នេះ ក្រុម​ Manchester City ក្រោម​ការ​ដឹកនាំ​របស់​លោក Pep មិន​ទាន់​ស្គាល់​រសជាតិ​ស្មើ ឬ​ចាញ់​ឡើយ​ក្នុង​ ១៥​ប្រកួត​ចុង​ក្រោយ​ ដែល​នេះ​ជា​កំណត់​ត្រា​ឈ្នះ​យូរ​បំផុត​នៅ​ក្នុង​លីគ​កំពូល​អង់គ្លេស។

ក្នុង​ចំណោម​លីគ​កំពូល​ធំៗ​ទាំង​ប្រាំ​នៅ​អឺរ៉ុប នៅ​តែ​បារាំង និង​អ៊ីតាលី​ប៉ុណ្ណោះ ដែល​លោក Pep Guardiola មិន​ទាន់​ទៅ​ដឹកនាំ។ លោក​បាន​ចាប់​ផ្ដើម​អាជីព​ជា​អ្នក​ចាត់​ការ នៅ​ Barcelona នៅ​ក្នុង​ឆ្នាំ ២០០៨។ នៅ​ឆ្នាំ ២០១៣ អ្នក​ចាត់​ការ​រូប​នេះ បាន​ទៅ​ដឹកនាំ​នៅ​ក្លឹប​យក្ស​អាល្លឺម៉ង់ Bayern Munich។ នៅ​ទី​នោះ បាន​បី​ឆ្នាំ Pep បាន​សម្រេច​មក​អង់គ្លេស​ដើម្បី​ដឹកនាំ Manchester City៕

ចុចអាន៖


ប្រភព៖ Twitter ប្រែ​សម្រួល៖ ហ៊ីម រស្មី