ប៉េតង់កំណត់ឆ្នាំ២០២២ ត្រូវរកឲ្យបានអ្នកខ្លាំង ៥០០នាក់
- 2017-12-15 02:35:22
- ចំនួនមតិ 0 | ចំនួនចែករំលែក 0
ប៉េតង់កំណត់ឆ្នាំ២០២២ ត្រូវរកឲ្យបានអ្នកខ្លាំង ៥០០នាក់
ចន្លោះមិនឃើញ
អគ្គលេខាធិការប៉េតង់កម្ពុជាលោក អ៊ិន គឹមស្រ៊ុន បានអះអាងថា សហព័ន្ធរបស់លោកកំណត់ឆ្នាំ២០២២ ត្រូវតែបណ្ដុះឲ្យបានជើងខ្លាំងផ្នែកកីឡានេះ ៥០០នាក់ ដើម្បីទុកត្រៀមសម្រាប់ការធ្វើម្ចាស់ផ្ទះព្រឹត្តិការណ៍កីឡាស៊ីហ្គេមឆ្នាំ២០២៣។
ក្រោយត្រឡប់ពីទឹកដីថៃដែលដឹកនាំក្រុមកីឡារបស់ខ្លួនដណ្ដើមបានមេដាយមាស ៣និងសំរឹទ្ធ ២គ្រឿងពីព្រឹត្តិការណ៍ជើងឯកអាស៊ីអគ្គលេខាធិការរូបនេះបានឲ្យដឹងថា ផែនការមេរបស់ប៉េតង់គឺចាប់ផ្ដើមបណ្ដុះក្មេងនៅតាមសាលាវិទ្យាល័យ ឬអនុវិទ្យាល័យឲ្យលេងកីឡានេះ។ ក្រោយមកជ្រើសរើសអ្នកខ្លាំងឲ្យបាន ៥០០នាក់យកមកបណ្ដុះបណ្ដាលបន្ថែមនៅឆ្នាំ២០២២ ដើម្បីត្រៀមធ្វើម្ចាស់ផ្ទះស៊ីហ្គេមឆ្នាំ២០២៣។
លោកបញ្ជាក់ថា សព្វថ្ងៃប៉េតង់មានបញ្ហាកង្វះធនធានកីឡាករជម្រើសជាតិ គឺមានត្រឹមជាង ៥០នាក់ និងអ្នកដែលចេះលេងប៉េតង់ស្ទាត់ជំនាញមានប្រមាណជាង ១០០ នាក់ប៉ុណ្ណោះ។ ហេតុនេះផែនការបណ្ដុះថ្នាលយុវជននៅតាមបណ្ដាខេត្តបន្ថែមគឺជារឿងសំខាន់បំផុតសម្រាប់ទិសដៅយូរអង្វែង ដើម្បីធានាឲ្យបានថា ឆ្នាំ២០២៣កម្ពុជាមានក្ដីរំពឹងខ្ពស់ក្នុងការប្រជែងយកមេដាយជូនជាតិ។
បើគិតមកទល់ពេលនេះប៉េតង់មានសមិទ្ធផលជាច្រើនក្នុងការប្រជែងយកមេដាយជូនជាតិ ពិសេសគឺព្រឹត្តិការណ៍ធំៗដែលមានដូចជាកម្រិតពិភពលោកជាដើម៕