កីឡាករ ៥នាក់គួររកទ្រនំថ្មី ប្រសិនចង់បានកៅអី World Cup
- 2017-12-15 04:48:43
- ចំនួនមតិ 0 | ចំនួនចែករំលែក 0
កីឡាករ ៥នាក់គួររកទ្រនំថ្មី ប្រសិនចង់បានកៅអី World Cup
ចន្លោះមិនឃើញ
ព្រឹត្តិការណ៍បាល់ទាត់ដ៏ធំ FIFA World Cup ឆ្នាំ២០១៨នឹងមកដល់ក្នុងពេលឆាប់នាខែ មិថុនាឆ្នាំ២០១៨ខាងមុខ។ ប្រទេសទាំង៣២ត្រូវបានរកឃើញអស់ហើយ បន្ទាប់ពីប្រកួតជម្រុះយ៉ាងស្វិតស្វាញ។
នៅជិតកម្មវិធីប្រកួតមកដល់ ក្រុមទាំងអស់ត្រូវបញ្ជូនឈ្មោះកីឡាកររបស់ខ្លួន ដើម្បីជាដំណឹងដល់គណៈកម្មការរៀបចំការប្រកួត។ ច្បាស់ណាស់កីឡាករគ្រប់រូបសុទ្ធតែប្រាថ្នាចង់ចូលរួម ក្នុងការកម្មវិធីនេះ ដូច្នេះពួកគេត្រូវបង្ហាញទម្រង់លេងឲ្យលេចធ្លោក្នុងក្រុមអាជីពទើបមានឱកាសពិសេសនេះ។ ថ្ងៃនេះនឹងបង្ហាញពីកីឡាករមួយចំនួន ដែលបាត់តំណែងក្នុងក្រុម គួរផ្លាស់ប្ដូរក្លឹប ដើម្បីមានឱកាសទៅ World Cup៖
១. Daniel Sturridge
Roberto Firmino, Mohamed Salah, Sadio Mane និង Philippe Coutinho កំពុងសហការគ្នាបានល្អក្នុងក្រុម Liverpool រដូវកាលនេះ ធ្វើគ្រប់គ្នាស្ទើរភ្លេច Daniel Sturridge ទៅហើយ។ បញ្ហារបួស Sturridge ពិតជាយាយី Sturridge មិនឈប់ឈរ ធ្វើឲ្យគេគ្មានឱកាសប្រជែងតំណែងកីឡាករ៤នាក់ខាងលើឡើយ។ នៅខែ មករាខាងគេគួរតែរកក្លឹបសមរម្យមួយដើម្បីលេង។
២.Luke Shaw
ចាប់តាំងពីលោក Jose Mourinho ចូលមកកាន់ Man Utd ក្នុងឆ្នាំ២០១៦ កីឡាករអង់គ្លេស Luke Shaw មិនបាននៅក្នុងក្រសែភ្នែកអ្នកចាត់ការសញ្ជាតិព័រទុយហ្គាល់ឡើយ។ ត្បិតរបួសជើងជាសះស្បើយ១០០% តែ Mourinho មិនដាក់ Shaw លេងទេសុខចិត្តទាញ Marcus Rojo , Daley Blind និងអភិវឌ្ឍន៍ Ashley Young មកលេងតំបន់ការពារឆ្វេងវិញ។
៣. Julian Draxler
វត្តមាន Neymar និង Kylian Mbappe មកចាប់ដៃគ្នាជាមួយ Edinson Cavani នៅ PSG ធ្វើឲ្យកីឡាករអាល្លឺម៉ង់ Julian Draxler មិនសូវមានឱកាសលេងដូចរដូវកាលមុន។ ស្របពេលអាល្លឺម៉ង់សម្បូរទៅដោយកីឡាករល្អ Draxler គួរចាកចេញទៅកន្លែងថ្មី ដើម្បីរកឱកាសលេងច្រើន ជាទុនអាចជាប់ចិត្តគ្រូជម្រើសជាតិ។
៤. Danny Rose
ចាប់តាំងពីបានបង្ហាញបំណងផ្ទេរចេញពី Spurs កាលពីរដូវក្ដៅកន្លងទៅ បន្ទាប់ពីមានការចាប់អារម្មណ៍ពី Manchester City តំណែងការពារឆ្វេងរបស់ Danny Rose បានធ្លាក់ទៅលើសិស្សប្អូន Welshman Ben Davies ។ ចង់មិនចង់ កីឡាករអង់គ្លេសវ័យ២៧ឆ្នាំ ត្រូវប្រឹងប្រជែងជាមួយ Davies ឬផ្លាស់ក្រុមជាការល្អ។
៥. Olivier Giroud
គិតត្រឹមពេលនេះ Nabil Fekir, Kingsley Comanនិង Alexandre Lacazette ជាខ្សែប្រយុទ្ធស្ថិតក្នុងក្រសែតភ្នែកគ្រូជម្រើសជាតិបារាំង Didier Deschamps ខណៈ Giroud ដូចជារសាត់ឆ្ងាយបន្តិចហើយ។ ត្បិតតែបង្ហាញខ្លួនឲ្យ Arsenal ញឹកញយមែន តែទម្រង់លេងគេនៅទីនោះមិនជាល្អប៉ុន្មានទេ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
