Google Tango វ៉ាមិនឈ្នះបច្ចេកវិទ្យា AR ចុងក្រោយបិទតូបទៅស្រុកដើមវិញ
- 2017-12-16 10:00:00
- ចំនួនមតិ 0 | ចំនួនចែករំលែក 0
Google Tango វ៉ាមិនឈ្នះបច្ចេកវិទ្យា AR ចុងក្រោយបិទតូបទៅស្រុកដើមវិញ
ចន្លោះមិនឃើញ
Tango ជាបច្ចេកវិទ្យាថ្មីប្លែករបស់ Google ដែលមានសណ្ឋានស្រដៀងទៅនឹងបច្ចេកវិទ្យា AR។ យ៉ាងណាមិញ Google បានចេញប្រកាសជាផ្លូវការថា គម្រោងមួយនេះនឹងបិទចោលតែម្ដងនៅខែមីនា ឆ្នាំ ២០១៨ ខាងមុខនេះ។
Google បានព្យាយាមយ៉ាងសស្រាក់សស្រាំ ដើម្បីអភិវឌ្ឍន៍បច្ចេកវិទ្យា Tango មកដាក់នៅលើស្មាតហ្វូនដូចទៅនឹង AR ដទៃទៀតដូចជា Google ARCore, Google ARStar Wars ជាដើម។ ប៉ុន្តែ ARTango ធ្វើមិនសូវបានល្អ ពិបាកសំគាល់វត្ថុផ្សេងៗ តែងជួបបញ្ហាញឹកញាប់ ត្រូវការភ្ជាប់ជាមួយឧបករណ៍ដែលមាន Sensor ល្អៗ ជាហេតុផលធ្វើឲ្យ Google សំរេចចិត្តបិទចោលតែម្ដង។
ចាប់តាំងពីប្រកាសបច្ចេកវិទ្យានេះកាលពីឆ្នាំ ២០១៤ ស្មាតហ្វូនដែលមានបច្ចេកវិទ្យា ARTango នេះមានតែម៉ូឌែល Lenovo Phab 2 Pro មួយគត់ដែលមានសំណាងបានស្គាល់ Tango តែអកុសលអី ទាំង Lenovo Phab 2 Pro និងបច្ចេកវិទ្យា Tango សុទ្ធតែមិនជោគជ័យ។
មកដល់ឥឡូវនេះបច្ចេកវិទ្យា AR របស់ Google ដែលល្បីជាងគេគឺ ARCore ដែលមានលក្ខណៈទូលំទូលាយប្រើជាមួយអ្វីក៏បាន តម្រូវការវាសាមញ្ញមិនស្មុគស្មាញ មិនចាំបាច់ដល់ទៅស្មាតហ្វូនល្អៗក៏ប្រើបានដែរ៕
ទស្សនាវីដេអូនេះដើម្បីដឹងច្បាស់ដំំណើរការ Tango
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អត្ថបទទាក់ទង