ឧទ្ធម្ភាគចក្រចម្បាំង សាហាវបំផុតទាំង ១០ នៅលើពិភពលោក

2017-12-18 04:27:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧទ្ធម្ភាគចក្រ គឺជាមធ្យោបាយមួយដែលមានប្រសិទ្ធភាពបំផុតសម្រាប់ ការដឹកជញ្ជូន ការធ្វើសង្គ្រាម និង ការជួយសង្គ្រោះនាពេលបច្ចុប្បន្ននេះ។ ចាប់តាំងពីការបង្ហាញខ្លួនលើកដំបូងនៅក្នុងសង្គ្រាមលោកលើកទី ២ មក ឧទ្ធម្ភាគចក្របានជួយបម្រើតម្រូវការជាច្រើននៅក្នុងសមរភូមិ។

ខាងក្រោមនេះ គឺជាឧទ្ធម្ភាគចក្រចម្បាំងសាហាវបំផុតទាំង ១០ នៅលើពិភពលោកនាពេលបច្ចុប្បន្ននេះ ៖

១០. Z-10

ឧទ្ធម្ភាគចក្រចម្បាំងរបស់ប្រទេសចិនមួយនេះ មានសមត្ថភាពអាចផ្ទុកកាណុង ៣០មិល្លីម៉ែត្រ មីស៊ីលបាញ់រថក្រោះ HJ-9 មីស៊ីលបាញ់រថក្រោះ HJ-10 ដែលទើបផលិតថ្មី និង មីស៊ីលធុន TY-90 ។

៩. MI-24 Hind

Mil Mi-24 គឺជាឧទ្ធម្ភាគចក្រប្រយុទ្ធនិងដឹកជញ្ជូនទ័ពអាកាសដែលមានសមត្ថភាពអាចផ្ទុកកងទ័ព ៨ នាក់។ វាបានចេញប្រតិបត្តិការដំបូងនៅក្នុងកងទ័ពអាកាសរបស់រុស្ស៊ី ហើយបម្រើមុខងារដល់ការដឹកជញ្ជូនអាវុធ និងកងទ័ព។

៨. AH-2 Rooivalk

កងទ័ពអាកាសរបស់អាហ្វ្រិកខាងត្បូងបានប្រើប្រាស់ AH-2 Rooivalk ចំនួន ១២គ្រឿងប៉ុណ្ណោះ។ ហើយពាក្យ Rooivalk នៅក្នុងភាសាអាហ្វ្រិកមានន័យថា "ចាបក្រហម" ។

៧. AH-1W Super Cobra

AH-1 SuperCobra គឺជាឧទ្ធម្ភាគចក្រវាយប្រហារប្រើប្រាស់ម៉ាស៊ីនពីរ ដែលមានមូលដ្ឋាននៅកងទ័ពអាមេរិក AH-1 Cobra ។

៦. A-129 / T-129 (អ៊ីតាលី / តួកគី)

Agusta A129 Mangusta គឺជាឧទ្ធម្ភាគចក្រចម្បាំងមួយដែលត្រូវបានរចនា និងផលិតឡើងដោយក្រុមហ៊ុន Agusta នៅក្នុងប្រទេសអ៊ីតាលី។ វាជាឧទ្ធម្ភាគចក្រវាយប្រហារដំបូង ដែលត្រូវបានរចនា និងផលិតទាំងស្រុងនៅអឺរ៉ុបខាងលិច។

៥. AH-1Z Viper

AH-1Z ជាឧទ្ធម្ភាគចក្រវាយប្រហារដែលបំពាក់ទៅដោយ ស្លាបចក្រ ៤ ប្រព័ន្ធបញ្ជូនកម្រិតខ្ពស់ ប្រព័ន្ធវាស់ស្ទង់ និងប្រព័ន្ធចាប់គោលដៅថ្មី។

៤. Eurocopter Tiger

Eurocopter Tiger គឺជាឧទ្ធម្ភាគចក្រវាយប្រហារមួយដែលផលិតដោយក្រុមហ៊ុន Eurocopter ។ នៅក្នុងប្រទេសអាល្លឺម៉ង់ វាត្រូវបានគេហៅថា "សត្វខ្លា” ហើយ នៅប្រទេសបារាំង និងអេស្ប៉ាញវាត្រូវបានគេហៅថា Tigre ។ ឧទ្ធម្ភាគចក្រនេះ ត្រូវបានបំពាក់ដោយម៉ាស៊ីន Turbomeca Rolls-Royce MTR390 ចំនួនពីរ។

៣. MI-28H Havoc (រុស្ស៊ី)

MI-28H Havoc គឺជាឧទ្ធម្ភាគចក្ររបស់ប្រទេសរុស្ស៊ីដែលត្រូវបានប្រើប្រាស់ក្នុងគោលបំណងវាយប្រហាររថក្រោះ ក្នុងគ្រប់កាលៈទេសៈ អាកាសធាតុ និង ពេលវេលាទាំងអស់។

២. Kamov KA-50/KA-52

Ka-50 ត្រូវបានគេផលិតឡើងឲ្យមានលក្ខណៈតូច និងរហ័ស ដើម្បីបង្កើនភាព រស់រានមានជីវិត និងគេចពីគ្រោះថ្នាក់។ វាត្រូវបានគេស្គាល់ឈ្មោះថា "ឆ្លាមខ្មៅ” ដែលត្រូវបានផលិតឡើងនៅកំឡុងឆ្នាំ ១៩៨០ និងបានចូលបម្រើក្នុងទ័ពអាកាសរុស្ស៊ីនៅឆ្នាំ ១៩៩៥។

១. AH-64D Apache Long Bow

AH-64D Apache Long Bow ត្រូវបានគេស្គាល់ថាជាប្រព័ន្ធប្រឆាំងប្រដាប់អាវុធដ៏សំខាន់ និងមានឥទ្ធិពលបំផុតនៅក្នុងសង្គ្រាមឈូងសមុទ្រ។ វាត្រូវបានរចនាឡើងដើម្បីប្រិបត្តិបេសកកម្មប្រយុទ្ធរបស់ខ្លួន មិនថាថ្ងៃឬយប់ ឬក្នុងអាកាសធាតុណាមួយនោះទេ។ វាមានសមត្ថភាពអាចផ្ទុកមីស៊ីល AGM-113 Hellfire ១៦គ្រាប់ និងរ៉ុកកែតបត់បញ្ចូលគ្នា ៧០មិល្លីម៉ែត្រ ៧៦គ្រាប់។ លើសពីនេះទៀតវាអាចបាញ់បាន ១២០០ ជុំនៃគ្រាប់ ៣០ មិល្លីម៉ែត្រជាមួយនឹងកាំភ្លើងស្វ័យប្រវត្តិ M230 របស់ខ្លួន៕