Man City នឹងធ្វើឲ្យ Pep ក្លាយជាអ្នកចាត់ការមានប្រាក់ឈ្នួលខ្ពស់បំផុតលើលោក

2017-12-18 08:04:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Pep Guardiola នឹងក្លាយជាអ្នកចាត់ការមានប្រាក់ឈ្នួលខ្ពស់ជាងគេនៅក្នុងពិភពបាល់ទាត់នៅពេលតកុងត្រាថ្មីដែលមានតម្លៃ៨០លានផោន។

Pep Guardiola

ក្រុមរហស្សនាមថាមេឃខៀវលេងឈ្នះ១៦ប្រកួតជាប់គ្នានៅ Premier League ក្រោយផ្ដួល Tottenham ៤-១ កាលពីថ្ងៃសៅរ៍ធ្វើឲ្យពួកគេដាច់នៅកំពូលតារាងចំនួន១៤ពិន្ទុ។ ជ័យជម្នះនេះធ្វើឲ្យថ្នាក់ដឹកនាំ Man City យល់ថា Pep ជាបុគ្គលសក្ដិសមបំផុត និងកំពុងព្យាយាមបញ្ចុះបញ្ចូលរូបលោកឲ្យស្នាក់នៅទឹកដី Etihad ច្រើនឆ្នាំទៀត។

អ្នកចាត់ការសញ្ជាតិអេស្ប៉ាញចុះកុងត្រា៣ឆ្នាំពេលមកដឹកនាំក្រុមក្នុងឆ្នាំ២០១៦ដោយទទួលប្រាក់ឈ្នួល១៥លានក្នុងមួយឆ្នាំ ហើយពេលនេះ City ចង់ផ្ដល់កុងត្រាថ្មី៤ឆ្នាំទៀត មានតម្លៃ៤សែនផោនក្នុងមួយសប្ដាហ៍ឬ ២០លានក្នុងមួយឆ្នាំ ប៉ុន្តែការសម្រេចចិត្តយ៉ាងណាគឺស្ថិតនៅលើ Pep៕