ពាក្យអ្នកម្ដាយតែងផ្ដាំកូន «ធ្វើការកុំខ្លាចនឿយ កុំខ្លាចហត់ ត្រូវតែតស៊ូ ទើបចម្រើនរុងរឿង»

2017-12-19 03:28:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាក្យមួយឃ្លា ដែលអ្នកស្រី សូ សម្បត្តិ ម្ចាស់សិប្បកម្មកំប្លោកភ្នំក្រោម ខេត្តសៀមរាប តែងតែផ្ដែផ្ដាំកូនចៅឲ្យប្រឹងប្រែងក្នុងឆាកជីវិតនោះគឺ “ធ្វើការកុំខ្លាចនឿយ កុំខ្លាចហត់ ត្រូវតែតស៊ូ ទើបចម្រើនរុងរឿង”។

ពាក្យមួយឃ្លាខាងលើ មិនមែនជារឿងចៃដន្យនោះទេ ដែលស្រ្តីវ័យ ៥១ឆ្នាំ តែងផ្ដាំកូនចៅ ព្រោះទ្រឹស្ដីទាំងនោះ ឆ្លងកាត់ការលំបាកជាច្រើនមកហើយ ទម្រាំអ្នកស្រីក្លាយជាម្ចាស់សិប្បកម្មកំប្លោកល្បីល្បាញមួយរូបនៅ ខេត្តសៀមរាប ហើយសិប្បកម្មមួយនេះល្បីដល់បរទេសទៀតនោះ។

អ្នកស្រីសម្បត្តិ ចាប់តាំងពីឆ្នាំ ១៩៧៩ ដល់ ឆ្នាំ ២០០០ គឺជាទាហានកងការពារឃ្លាំងនៅភ្នំក្រោម ដែលឆ្លងកាត់ការហ្វឹកហាត់ និង ស៊ីអត់ស៊ីឃ្លាន នៅអំឡុងពេលតស៊ូ។ ចាប់ពីឆ្នាំ ២០០០ ដល់ឆ្នាំ ២០១០ អ្នកស្រី ជាទាហានផង និងឆ្លៀតធ្វើស្រែចម្ការផង ប្រើប្រាស់កម្លាំងសុទ្ធសាធដើម្បីរកប្រាក់ចិញ្ចឹមកូនទាំង ៥នាក់ ស្រី ៤ ប្រុស ១។

នៅអំឡុងឆ្នាំ ២០១០ អ្នកស្រី បានរៀនសូត្រ ពីគ្រូជនជាតិជប៉ុន ច្នៃកំប្លោកធ្វើជាកាបូប និងវត្ថុអនុស្សាវរីយ៍ផ្សេង ដោយអ្នកស្រីជាមនុស្សមានការប្រឹងប្រែង និងយកចិត្តទុកផង បានក្លាយទៅជាអ្នកច្នៃកាបូបធ្វើពីកំប្លោកបានស្អាតជាងគេ រហូតក្លាយជាសិប្បកម្មកំប្លោកល្បីល្បាញជាងគេនៅភ្នំក្រោម៕

អត្ថបទ៖ ក្រុមការងារផ្លូវទៅស្រុក