បន្សល់​តាំង​ពី​​សតវត្ស​ទី​១៩​មក វា​ជា​​អគារ​​រចនាបថ​​បែប​​​​បារាំង​ដ៏​ស្កឹមស្កៃ ​​នៅ​​បណ្ដោយ​ផ្លូវ​​ព្រះ​សុធារស ​​​ក្បែរ​ព្រះ​បរម​រាជ​វាំង​។ ស្ថាន​ភាព​ចាស់​តែ​មិន​ទ្រុឌទ្រោម ​វីឡា​ចំណាស់​​​បច្ចុប្បន្ន​នេះ​ជា​​​បារ​បែប​អឺរ៉ុប​​​​ ដែល​​អ្នក​គ្រប់គ្រង​​​ធ្លាប់​ប្រាប់​ថា​​កំពុង​​​​ប្រកាស​ដាក់​លក់​​ក្នុង​តម្លៃ​ប្រមាណ​៤​លាន​ដុល្លារ​​អាមេរិក​​។

អគារ ​ដ៏​ចំណាស់​ ប៉ុន្តែ​ទាក់​ទាញ​ផលិតករ​ភាពយន្ត​ ទាំង​ក្នុង​ស្រុក​ និង​ក្រៅ​ស្រុក​ ឥឡូវ​នេះ​ចាប់​ផ្ដើម​មាន​បន្ទប់​តម្កល់​ឯកសារ​ដែល​ទាក់​ទង​នឹង​ប្រវត្តិ​ របស់​ខ្លួន​ ឈ្មោះ​ថា​ “បណ្ណសារ​សិល្បៈ​ និង​បណ្ណាល័យ​ប៊ូឌីង“។

សប្ដាហ៍​​មុន​​​យើង​និយាយ​ពី​​​អតីត​សណ្ឋាគារ​ International Hotel ដែល​បាន​សាងសង់​ឡើង​​តាំង​ពី​ឆ្នាំ​​​១៩០៥​។  សប្ដាហ៍​​នេះ Sabay ​សូម​​បង្ហាញ​​អគារ​ដ៏​ចំណាស់​ដែល​​សេសសល់​នៅ​ភ្នំពេញ​​​​មួយ​​​ទៀត។ ​វីឡា​ដែល​មាន​រចនាបថ​​ស្ថាបត្យកម្ម​​បារាំង​​​មួយ​នេះ​​ ស្ថិត​​​នៅ​​បណ្ដោយ​ផ្លូវ​ព្រះ​​សុធារស​​​​ខាង​កើត​​វាល​​​ព្រះ​សុមេរុ​ ក្បែរ​ព្រះ​បរម​រាជ​វាំង​​។

នេះ​ជា​អគារ​ធំ​ដ៏​ចំណាស់​មួយ​​​​​ ចំណោម​អគារ​ចាស់​ៗ​សេស​សល់​តិច​​តួច​​​​នៅ​រាជ​ធានី​ភ្នំពេញ​ មាន​ទីតាំងតាម​​​បណ្ដោយផ្លូវ​លេខ​​​​ ១៣ សង្កាត់​ផ្សារ​កណ្ដាល​ ខណ្ឌ​ដូន​ពេញ​។ ស្ថាបត្យកម្ម​​​​វ័យ​​​រាប់​ទសវត្ស​នេះ​​​បាន​​សាងសង់​តាំង​ពី​​ឆ្នាំ​១៩០៥​ ហើយ​ដើម​ឡើយ​​​វា​ជា​​​​សណ្ឋាគារ​លំដាប់​​​​​មួយ​ឈ្មោះ​ថា អាំងទែណាស់សូណាល់ អូតែល (International Hotel)។ មក​ដល់​​ឥឡូវ ​ទោះ​អគារ​ទាំង​មូល​​​ស្ថិត​ក្នុង​សភាព​ទ្រុឌទ្រោម​បន្តិច​​ ​​តែ​​​វា​​នៅ​តែ​ជា​លំនៅឋាន​របស់​ប្រជាជន​ជា​ច្រើន​គ្រួសារ​​​​​​​​​ពឹងពាក់​ស្នាក់អាស្រ័យ។