Benzema វ៉ាកំណត់ត្រាដោយការទាត់បាល់បញ្ចូលទីក្លឹបនៅ La Liga ច្រើនជាង Ronaldo
- 2018-09-02 09:07:06
- ចំនួនមតិ 0 | ចំនួនចែករំលែក 0
Benzema វ៉ាកំណត់ត្រាដោយការទាត់បាល់បញ្ចូលទីក្លឹបនៅ La Liga ច្រើនជាង Ronaldo
ចន្លោះមិនឃើញ
ខ្សែប្រយុទ្ធសញ្ជាតិបារាំង Karim Benzema បានស៊ុតបញ្ចូលទីទៅលើក្រុមទី៣៣នៅ La Liga ដោយបានវ៉ាអតីតមិត្តរួមក្រុមរបស់ខ្លួន។
ការស៊ុតបញ្ចូលទីលើក្រុម Leganes កាលពីយប់មិញ គឺជាការស៊ុតលើក្លឹបបាល់ទាត់ទី៣៣ហើយ ដែលខ្សែប្រយុទ្ធវ័យ៣០ឆ្នាំធ្វើបានដោយវ៉ាកំណត់ត្រា Ronaldo ដែលស៊ុតលើក្រុមទាំងអស់នៅ La Liga បានចំនួនត្រឹម ៣២ ក្រុម។
ដោយឡែក កំពូលខ្សែប្រយុទ្ធ Lionel Messi នាំមុខគេក្នុងការទាត់បាល់បញ្ចូលទីច្រើនក្រុមបំផុតនៅក្របខ័ណ្ឌកំពូលអេស្ប៉ាញ មានចំនួន ៣៦ ក្រុម។
ខ្សែប្រយុទ្ធ Aritz Aduriz របស់ Athletic Bilbao បានស៊ុតបញ្ចូលទីទៅលើក្រុមចំនួន ៣៥ នៅ La Liga ក្នុងអាជីពបាល់ទាត់របស់ខ្លួន។ ប៉ុន្តែនេះមិនមែនជាការចម្លែកទេ ព្រោះ ចាប់តាំងពីផ្តើមអាជីពបាល់ទាត់នៅ ឆ្នាំ១៩៩៩ មក ពោលគឺជិត២០ឆ្នាំ កីឡាសញ្ជាតិអេស្ប៉ាញរូបនេះប្រកបអាជីពនៅអេស្ប៉ាញរហូត។
ហេតុផលនេះហើយ ដែលធ្វើឲ្យ Ronaldo ដែលបានចាកចេញពី Man Utd មកលេងនៅក្លឹបយក្ស Real Madrid ក្នុងឆ្នាំ២០០៩ អំឡុងពេលស្របាលនឹង Benzema មកដល់ Real ដែរ ស៊ុតបាល់ទៅលើគូបដិបក្ខបានត្រឹម៣២ក្រុម។
អតីតខ្សែប្រយុទ្ធBarcelona កីឡាករ Julio Salinas ឈរនៅលេខរៀងទី៣ ដោយស៊ុតទៅលើក្រុមចំនួន ៣៤ ខណៈដែល Benzema ឈរនៅលេខរៀងទី៤ ជាមួយ Hugo Sanchez និងអេស្ប៉ាញ Raul Tamudo។
Benzema និង Bale កំពុងសប្បាយរកគ្រាប់បាល់នៅ Real ស្របពេលដែល Ronaldo មិនទាន់រកឃើញគ្រាប់បាល់សូម្បី១គ្រាប់ឲ្យ Juventus បើទោះជាក្លឹបនៅ Serie A មួយនេះធ្វើបានយ៉ាងល្អនៅពេលចាប់ផ្តើមបើករដូវកាលក៏ដោយ៕