ទប់លែងជាប់! សិស្សនាំគ្នាចេញវីដេអូព្រោងព្រាត តវ៉ាលទ្ធផលប្រឡងធ្លាក់គណិតវិទ្យា
- 2018-09-10 09:51:12
- ចំនួនមតិ 0 | ចំនួនចែករំលែក 0
ទប់លែងជាប់! សិស្សនាំគ្នាចេញវីដេអូព្រោងព្រាត តវ៉ាលទ្ធផលប្រឡងធ្លាក់គណិតវិទ្យា
ចន្លោះមិនឃើញ
២០ សីហា ឆ្នាំ២០១៨ ជាឆ្នាំទី៥នៃកំណែទម្រង់ការរឹតបន្តឹងការប្រឡងបាក់ឌុប ក្នុងគោលដៅព្រឹងគុណភាពអប់រំ និងជំរុញបេក្ខជនឲ្យខិតខំរៀនសូត្របន្ថែម។ ដោយឡែកលទ្ធផលឆ្នាំនេះ សិស្សមួយចំនួនបានបង្ហាញភាពមិនពេញចិត្តចំពោះលទ្ធផលមុខវិជ្ជាគណិត រហូតដល់ថ្នាក់ នាំគ្នាតវ៉ាព្រោងព្រាតទៅដល់មណ្ឌលប្រឡង ហើយសិស្សខ្លះធ្លាប់ជាសិស្សពូកែគណិតវិទ្យាតែបែរជាធ្លាក់ទាំងមិនអស់ចិត្ត ដង្ហើយសុំក្រសួងអប់រំឲ្យត្រួតពិនិត្យដំណើរការកែវិញ្ញាសាឡើងវិញទៀតផង។
យ៉ាងណាមិញមកទល់ពេលនេះ ក្រសួងនៅមិនទាន់មានដំណោះស្រាយណាមួយដល់សិស្សនោះឡើយ។ ប៉ុន្តែខណៈនេះ សិស្សមួយចំនួន បានកំពុងស្វះស្វែងធ្វើលិខិតស្នើសុំដល់ក្រសួង និងសង្ឃឹមថា ក្រសួងនឹងបើកការត្រួតពិនិត្យក្នុងពេលឆាប់ៗ មុនថ្ងៃប្រកាសលទ្ធផលអាហារូបករណ៍មកដល់។
គួរបន្ថែមថា ឆ្នាំ២០១៨ បេក្ខជន និទ្ទេស A ចំនួន ២៩០នាក, បេក្ខជន និទ្ទេស B ចំនួន ១៥៣២នាក់, បេក្ខជន និទ្ទេស C ចំនួន ៤៦៣១នាក់, បេក្ខជន និទ្ទេស D ចំនួន ១៣ ៩៩៩នាក់, បេក្ខជន និទ្ទេស E ចំនួន ៥៤ ៦០៧នាក់។ ធៀបនឹងសិស្សបាក់ឌុបប្រឡងជាប់និទ្ទេស A កាលពីឆ្នាំ២០១៧ មានចំនួនសរុប ៤២៤ ក្នុងចំណោមបេក្ខជនប្រលងសរុប ៦៣ ៦៦៨ នាក់ នាក់នៅទូទាំងប្រទេស។ក្នុងនោះបេក្ខជនដែលទទួលបាននិទ្ទេស B មានចំនួន ២ ៤៦៤ និទ្ទេស C មានចំនួន ៥០០០ នាក់ និទ្ទេស D មានចំនួន ៩១២៣ នាក់ និងនិទ្ទេស E មានចំនួន ៤៦៦៥៧ នាក់៕