មិនបាច់សង្ស័យទេ ម៉ាស៊ីនបូមធូលី ប្រើ ៨ ឆ្នាំ ល្មមប្តូរចោលហើយ

2018-09-12 03:01:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ាស៊ីនបូមធូលី អាចជួយសម្រាលបន្ទុកដល់ស្ត្រីមេផ្ទះ ក្នុងការថែទាំគេហដ្ឋាន។ ម៉ាស៊ីននេះ មិននៅស្ថិតស្ថេរនោះទេ ដែលតម្រូវធ្វើការផ្លាស់ប្ដូរថ្មី។ ចុះពេលណា គួរប្តូម៉ាស៊ីនបូមធូលីចាស់អស់គុណភាព។

រយៈពេលប្រើប្រាស់ជាមធ្យម

យោងតាមវេបសាយ Consumer Reports ម៉ាស៊ីនបូមធូលីជាមធ្យមអាចប្រើបានដល់ទៅ ៨ ឆ្នាំ ប៉ុន្តែរយៈពេលនេះអាចខុសគ្នាតិច ឬច្រើនអាស្រ័យលើក្រុមហ៊ុនផលិត និងការប្រើប្រាស់ប្រចាំថ្ងៃ។ ដូចនេះ បើម៉ាស៊ីនអ្នកកំពុងប្រើលើសពី ៨ ឆ្នាំហើយ គួរគិតគូរប្ដូរស៊េរី ប៉ុន្តែបើនូវស្រលាញ់របស់ចាស់ អាចប្រើម្ដងម្កាលបាន គ្រាន់ថាមិនសូវស្រួលចិត្ត។

ពេលណាត្រូវប្ដូរថ្មី

បើម៉ាស៊ីនបូមធូលី មិនអាចបំពេញកិច្ចការបូមធូលីដី គ្មានហេតុផលត្រូវទ្រាំប្រើនោះទេ។ ត្បិតបានប្រើរយៈពេលយូរច្រើនឆ្នាំ ក៏មិនប្រាកដថាត្រូវចោលក្នុងធុងសំរាមនោះដែរ។ មុនពេលសម្រេចចិត្តគួរចំណាយពេលបន្តិចប្រហែលប៉ុន្មានម៉ោង ពិនិត្យមើលក្រែងមានផ្នែកខ្លះមានបញ្ហាអាចជួសជុលបន្តប្រើបាន។ នេះអាចជួយសន្សំសំចៃថវិកាបានខ្លះដែរ ។

មុនបោះបង់ចោល ម៉ាស៊ីនបូមធូលីចាស់ គួរពិនិត្យចំណុចទាំងនេះសិន៖

ប្រាកដថាបំពង់ទុយយោ មិនមានអ្វីរាំងស្ទះ បើឃើញមាន អាចធ្វើការសម្អាតសារធាតុខាងក្នុង។
សម្អាត ឬប្ដូរតម្រង់ចេញ ដោយសារតម្រង់មានការរាំងស្ទះ អាចរារាំងលំហូរខ្យល់ ដែលធ្វើឲ្យម៉ាស៊ីនមិនអាចបំពេញកិច្ចការបូមធូលីបានល្អ។
គួរឧស្សាហ៍ពិនិត្យ និងសម្អាតម៉ាស៊ីន ដូចនេះពេលឃើញតម្រងកខ្វក់អាចងាយស្រួលសម្អាតបានទាន់ពេលវេលា។
ត្រួតពិនិត្យមើលខ្សែពាន ព្រោះរយៈពេលប្រើប្រាស់ អាចទៅជាយារ ឬសឹក។ ការផ្លាស់ប្ដូរត្រឹមខ្សែពាន មិនថ្លៃណាស់ណានោះទេ។

បើនៅតែមិនអាចដោះស្រាយបាន គ្មានវិធីនោះទេ ប្រហែលត្រូវចំណាយលើម៉ូដែលថ្មីហើយ៕