Salah បង្ហើបពីក្រុមដែលខ្លួនចូលចិត្តក្នុងហ្គេមបាល់ទាត់ FIFA 05
- 2018-09-18 12:16:47
- ចំនួនមតិ 0 | ចំនួនចែករំលែក 0
Salah បង្ហើបពីក្រុមដែលខ្លួនចូលចិត្តក្នុងហ្គេមបាល់ទាត់ FIFA 05
ចន្លោះមិនឃើញ
ខ្សែស្លាប Mohamad Salah បានបង្ហើបថា ក្រុមដែលខ្លួនចូលចិត្តជ្រើសរើសក្នុងការលេងក្នុងហេ្គម FIFA 05 គឺ Liverpool។
កីឡាករបានប្រាប់ France Football ថា៖ "នៅពេលខ្ញុំលេង FIFA កាលពីឆ្នាំ ២០០៥ ខ្ញុំតែងតែជ្រើសរើសយក Liverpool។ ខ្ញុំតែងតែដាក់ Steven Gerrard ឲ្យលេងនៅខាងលើជានិច្ច ពីព្រោះគេពូកែស៊ុតណាស់។ ខ្ញុំក៏បានដាក់កីឡាករ Jerzy Dudek ឲ្យចាំទី និងកីឡាករ Jamie Carragher ព្រមទាំង Sami Hyypia ឲ្យបម្រើតំបន់ការពារកណ្ដាល"។
ខ្សែស្លាបអេហ្ស៊ីបបានបង្ហើបទៀតថា៖ "តាមពិតទៅ ខ្ញុំចូលចិត្តយក Liverpool ក្នុងហ្គេមបាល់ទាត់តាំងពីមុនឆ្នាំ ២០០៥ មកម៉្លេះ"។
សូមបញ្ជាក់ផងដែរថា Salah បានបង្ហាញទម្រង់លេងបានយ៉ាងល្អឲ្យ Liverpool ដោយបានស៊ុត និង Assist ជាច្រើនគ្រាប់កាលពីរដូវកាលមុន។ ក្នុងរដូវកាលថ្មី កីឡាកររកបាន ២ គ្រាប់ក្នុងការបង្ហាញខ្លួន ៥ លើក៕