រឿងត្រូវដឹងពីកម្មវិធី The Best FIFA ដែលត្រូវកើតឡើងយប់នេះ

2018-09-24 02:50:50
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករបាល់ទាត់ឆ្នើមទាំងផ្នែកបុរសនិងស្ត្រីនឹងត្រូវប្រកាសក្នុងកម្មវិធី Best Fifa Football Awards ដែលរៀបចំឡើងក្នុងទីក្រុងឡុងដ៏ប្រទេសអង់គ្លេសនៅយប់នេះម៉ោង១២:៣០នាទី។ មុននឹងកម្មវិធីនេះមកដល់ អ្នកគួរដឹងអ្វីខ្លះ?

ពានកីឡាករឆ្នើម

Cristiano Ronaldo, Luka Modric និង Mohamed Salah ជាបេក្ខភាព៣នាក់ចុងក្រោយត្រូវដណ្ដើមពានកីឡាករឆ្នើមផ្នែកបុរស
ខណៈផ្នែកនារីវិញមាន Ada Hegerberg (ន័រវែស), Dzsenifer Marozsan (អាល្លឺម៉ង់) និង Marta (ប្រេស៊ីល)

ពាន Fifa Puskas

Gareth Bale, Lionel Messi, Benjamin Pavard, Cristiano Ronaldo ស្ថិតក្នុងបេក្ខភាព១០រូបដណ្ដើមយកពានផ្នែកគ្រាប់បាល់ល្អជាងគេឬ Puskas Award។

ពានអ្នកចាំទីល្អជាងគេ

ក្នុងកម្មវិធី The Best FIFA សម្រាប់តំណែងទាំង៤ក្នុងទីលានគេបានបង្កើតតែពានអ្នកចាំទីល្អជាងគេតែមួយប៉ុណ្ណោះ សម្រាប់ពានខ្សែការពារ បម្រើ ប្រយុទ្ធល្អជាងគេគ្មានទេ។ សម្រាប់ឆ្នាំនេះ Thibaut Courtois, Hugo Lloris និង Kasper Schmeichel ជាបេក្ខភាព៣នាក់ចុងប្រជែងយកពានមួយនេះ។

FIFA FIFPro World11 ឬជម្រើស១១នាក់ល្អជាងគេ

បេក្ខភាព៥៥នាក់នឹងត្រូវប្រជែងគ្នាជាប់ក្នុងជម្រើស១១នាក់ល្អជាងគេ ហើយសម្រាប់ពានកិត្តិយសមួយនេះពិតជាមានចង់ដឹងច្រើន។

ក្រៅពីពានធំៗខាងលើ កម្មវិធី The Best FIFA ក៏មានការប្រគល់ពានផ្នែក គ្រូបង្វឹកល្អផ្នែកបុរសនិងស្ត្រី, FIFA Fan Award និង FIFA Fair Play Award។ នេះគឺឆ្នាំទី៣ហើយនៃការរៀបចំកម្មវិធី The Best FIFA បន្ទាប់ពី FIFA បានចែកផ្លូវជាមួយកម្មវិធី Ballon d'Or៕