Elon Musk ត្រូវបង្ខំឲ្យចុះចេញពីតំណែងជាប្រធាន Tesla ព្រោះសារ Twitter មួយ

2018-10-01 03:02:44
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋី Elon Musk បានយល់ព្រមសម្រុះសម្រួលជាមួយគណៈកម្មការមូលប័ត្រ (SEC) លើការចោទប្រកាន់កាលពីសប្ដាហ៍កន្លងទៅ ទាក់ទងនឹងការបោះបង់គម្រោងដាក់ក្រុមហ៊ុន Tesla ជាក្រុមហ៊ុនឯកជន។

លោក Musk នឹងត្រូវលាលែងពីតំណែងជាប្រធានក្រុមហ៊ុនក្នុងរយៈពេល ៤៥ ថ្ងៃ និងមិនអាចកាន់កាប់តួនាទីនេះបានម្ដងទៀតរយៈពេល ៣ ឆ្នាំ។ យ៉ាងណាក្ដីលោកនៅតែអាចរក្សាតំណែងជានាយកប្រតិបត្តិនៃក្រុមហ៊ុនបានដដែល។

ដើមហេតុនៃរឿងនេះគឺកាលពីថ្ងៃទី ៧ ខែសីហា មហាសេដ្ឋីរូបនេះបានបង្ហោះសារលើគណនី Twitter របស់ខ្លួនថា ពិចារណាដាក់ក្រុមហ៊ុន Tesla ជាក្រុមហ៊ុនឯកជន។ ប៉ុន្តែនៅថ្ងៃទី ២៤ ខែសីហា លោក Musk បែរជាបង្ហោះសារថាបោះបង់គំនិតនេះវិញ។

ក្រៅពីតម្រូវឲ្យចុះចេញពីតំណែងហើយ Elon Musk និងក្រុមហ៊ុន Tesla ក៏ត្រូវរងពិន័យ ២០ លានដុល្លាររៀងៗខ្លួនផងដែរ។ ផ្អែកតាមកិច្ចព្រមព្រៀង Tesla ក៏ត្រូវជួលមេធាវីដើម្បីត្រួតពិនិត្យលើការទំនាក់ទំនងរបស់ Elon Musk រួមទាំងការបង្ហោះសារលើបណ្ដាញសង្គមផងដែរ៕

ចុចអាន៖

ប្រភព៖ The Verge ប្រែសម្រួល៖ សុខហេង