គ្រូបង្វឹកកម្ពុជា ប្រាប់ហេតុផលមិនដាក់ កែវ សុខផេង ចូលលេង
- 2018-10-13 04:06:31
- ចំនួនមតិ 0 | ចំនួនចែករំលែក 0
គ្រូបង្វឹកកម្ពុជា ប្រាប់ហេតុផលមិនដាក់ កែវ សុខផេង ចូលលេង
ចន្លោះមិនឃើញ
ការប្រកួតយប់មិញនេះ គេសង្កេតឃើញថាក្រុមកម្ពុជា មិនបានដាក់ខ្សែប្រយុទ្ធ កែវ សុខផេង ចូលលេងឡើយ ដោយប្រើជំនួសវិញដោយកីឡាករក្មេងៗ។
ចំពោះរឿងនេះ លោក Filex គ្រូបង្វឹកជម្រើសជាតិកម្ពុជាបានបញ្ជាក់ថានេះជាបច្ចេកទេស ហើយលោកបាននិយាយជាមួយ សុខផេង រួចហើយផងដែរ។ បុរសសញ្ជាតិអាហ្សង់ទីនរូបនេះ បានបន្ដថា ផេង សុខចិត្ត និងពេញចិត្តចំពោះការសម្រេចចិត្តនេះ ព្រោះក្រុមទាំងមូលចង់ឃើញកីឡាករក្មេងៗជំនាន់ក្រោយមានឱកាសបានបញ្ចេញសមត្ថភាព។
ក្រុមជម្រើសជាតិកម្ពុជា ក្រោយពីចប់ការប្រកួតជាមួយទីម័រ នេះទៅ នឹងបន្ដហ្វឹកហាត់បន្ថែមទៀត ដើម្បីត្រៀមខ្លួនប្រកួតតទល់ជាមួយក្រុមសិង្ហបុរីទៀតនៅថ្ងៃទី១៦ខាងមុខនេះ នៅពហុកីឡដ្ឋានជាតិដដែល៕