ភ្ញាក់ផ្អើល ពេលដឹងផ្លាស្ទិចបំពុលដល់មហាសមុទ្រ ៩០% ចេញពីទន្លេតែ ១០ ប៉ុណ្ណោះ
- 2018-11-05 06:07:44
- ចំនួនមតិ 0 | ចំនួនចែករំលែក 0
ភ្ញាក់ផ្អើល ពេលដឹងផ្លាស្ទិចបំពុលដល់មហាសមុទ្រ ៩០% ចេញពីទន្លេតែ ១០ ប៉ុណ្ណោះ
ចន្លោះមិនឃើញ
ក្នុងរយៈពេលមួយទសវត្សរ៍ចុងក្រោយនេះ យើងកាន់តែមានការព្រួយបារម្ភកាន់តែខ្លាំងឡើង អំពីបរិមាណផ្លាស្ទិចនៅក្នុងមហាសមុទ្ររបស់យើង។ ជារៀងរាល់ឆ្នាំមានផ្លាស្ទិចជាង ៨លានតោន បានហូរចូលមហាសមុទ្រ។ ប្រសិនបើយើងបន្តបំពុលនៅអត្រានេះ ប្លាស្ទិកនឹងមានច្រើនជាងសត្វត្រីនៅក្នុងសមុទ្រត្រឹមឆ្នាំ២០៥០។ តើកាកសំណល់ប្លាស្ទិចទាំងអស់នោះមកពីណា?
ភាគច្រើនវាត្រូវបានទឹកនាំទៅតាមរយៈទន្លេ។ យោងតាមរយៈការវិភាគអំពីកាកសំណល់ដែលរកឃើញនៅក្នុងទន្លេ និងទីកន្លែងជុំវិញនោះ អ្នកស្រាវជ្រាវបានប៉ាន់ប្រមាណថា ប្រព័ន្ធទឹកទន្លេតែ ១០ ប៉ុណ្ណោះបាននាំប្លាស្ទិក ៩០% ទៅកាន់មហាសមុទ្រ។
គួរបញ្ជាក់ឲ្យដឹងថា ទឹកទន្លេទាំង ១០ ខាងលើ ក្នុងនោះមាន ៨ ស្ថិតនៅក្នុងតំបន់អាស៊ី គឺ ទន្លេ Yangtze, Indus, Yellow, Hai He, Ganges, Pearl, Amur, Mekong និង ២ ផ្សេងទៀតស្ថិតនៅក្នុងតំបន់អាហ្វ្រិក គឺ ទន្លេ Nile និង Niger។
យ៉ាងណាមិញ ការបំពុលផ្លាស្ទិចចូលមកក្នុងមហាសមុទ្រតាមរយៈទន្លេនេះ ជាទូទៅកើតឡើងដោយសារមូលហេតុចម្បងចំនួន ២ គឺ ចំនួនមនុស្សរស់នៅជុំវិញទន្លេច្រើន (ជួនកាលដល់រាប់លាននាក់) និង ដំណើរការគ្រប់គ្រងកាកសំណល់នៅអន់ខ្សោយ៕
ចុចអាន៖