ស្រងាកចិត្ត! តួលេខអ្នកលេងហ្គេម PUBG លើ Steam កំពុងធ្លាក់កូដខ្លាំង

2018-11-13 11:42:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ហ្គេម PlayerUnknown's Battlegrounds កន្លងទៅធ្លាប់តែបំបែកកំណត់ត្រាមានអ្នកលេងដល់ ៣,២ លាននាក់នៅលើ Steam លុះគិតត្រឹមរយៈពេល ៣០ ថ្ងៃចុងក្រោយនេះក៏ធ្លាក់ចុះខ្លាំងមិនគួរឲ្យជឿសល់ត្រឹម ៩៦៥ ០០០ នាក់ តែប៉ុណ្ណោះ។

មូលហេតុក៏មកពីភាពប្រកួតប្រជែងខ្ពស់នៃហ្គេម Fortnite ដោយហ្គេមមានដើមកំណើតចេញពីទឹកដីសហរដ្ឋអាមេរិកមួយនេះទើបបំបែកកំណត់ត្រាទទួលបានអ្នកលេងសរុបដល់ ៨,៣ លាននាក់ ក្នុងពេលតែមួយគ្រប់ឧបករណ៍ទាំងអស់។

សម្រាប់ PUBG ដែលគ្រងកំណត់ត្រាកាលពីខែមករាដើមឆ្នាំ ២០១៨ ក៏ស្រាប់តែអន់ថយតួលេខអ្នកលេងជិត ១ សែននាក់ក្នុងមួយខែ រហូតដល់ខែមិថុនាក៏ថយចុះមកក្រោម ២ លាននាក់នៅលើ Steam និងចុះមកជាង ១ លាននាក់កាលពីខែមុន។ រហូតគិតត្រឹម ៣០ ថ្ងៃក្រោយតួលេខនេះក៏បន្តចុះកាន់តែខ្លាំងទៀត មកសល់ ៩៦៥ ៥០៧ នាក់ ធៀបនឹង Fortnite មានដល់ ៧,៤ លាននាក់ឯណោះ។

ប្រភព: https://www.tweaktown.com/news/63815/pubg-player-base-falls-under-1-million-concurrent-steam/index.html