អាស្រ័យលើសុខភាព ម្ហូប និងភេសជ្ជៈ ១០មុខ អាចឱ្យអ្នកមានបញ្ហារាករូសបាន

2018-11-14 03:27:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំណីអាហារ ដែលអ្នកញ៉ាំរាល់ថ្ងៃបើសិនចម្អិនមិនបានត្រឹមត្រូវ ធ្វើដោយគ្មានអនាម័យច្បាស់ណាស់ប្រាកដជារាកមិនខាន។ ប្រភេទអាហារខ្លះ អាស្រ័យទៅតាមសុខភាពរបស់មនុស្ស អ្នកខ្លះងាយប្រឈម អ្នកខ្លះសុខភាពអំណោយផលទោះប្រភេទអាហារបែបណាក៏អាចទ្រាំទ្របាន។ អាហារនិងភេសជ្ជៈមួយចំនួនខាងក្រោម ដែលមនុស្សចំនួនធំតែងមានប្រតិកម្មញ៉ាំហើយរាក៖

១. បុកល្ហុង

បុកល្ហុង គឺជាចំណីអាហារមួយដែលជាចំណង់ចំណូលចិត្តរបស់ប្រជាជនកម្ពុជា និងជាទីពេញនិយមក្នុងចំណោមមនុស្សពេញវ័យ និងសិស្សនិស្សិត ដែលអាចរកទទួលទានបានបានស្ទើរតែគ្រប់ទីកន្លែង។ យ៉ាងណាមិញផ្លែល្ហុងមានកម្រិត Fiberខ្ពស់ ដែលអាចធ្វើឲ្យហើមពោះ និងមានបញ្ហាដល់ប្រព័ន្ធរំលាយអាហារផងដែរ។

២. សូដាទឹកកក

សូដា គឺជាភេសជ្ជៈដែលមនុស្សជាច្រើនចូលចិត្ត ប៉ុន្តែ ជាតិអាស៊ីតនៅក្នុងសូដាអាចពន្យឺតដល់ ការរំលាយអាហារ និងរាំងស្ទះដល់ការស្រូបយកជីវជាតិ។ ថ្វីត្បិតតែវាមានរសជាតិឆ្ងាញ់ប៉ុន្តែគ្រឿងផ្សំរបស់វាអាចធ្វើឲ្យរាងកាយខ្សោះជាតិទឹក។

៣. មីឆា

អាហារតាមចិញ្ចើមផ្លូវមាននៅគ្រប់ទីកន្លែងក្នុងទីក្រុងភ្នំពេញ មិនថាម្ហូបអាហារ ផ្លែឈើ ឬភេសជ្ជៈនោះទេ។ ក្នុងចំណោមនោះ មីឆាជាអាហារដែលពេញនិយមអាចញាំុពេលព្រឹក ពេលថ្ងៃ ពេលរសៀល និងជាអាហារសម្រន់ផងដែរ។ វាមានភាពងាយស្រួលក្នុងការចម្អិន តម្លៃថោក និងមានឱជារសឈ្ងុយឆ្ងាញ់ថែមទៀតផង។ ទោះជាយ៉ាងណាក្ដី ការទទួលទានចំណីអាហារនៅតាមផ្លូវដែលត្រូវខ្យល់ ធូលី និងភ្លៀង អាចបង្កឱ្យមានជំងឺរាករូសបាន។ លើសពីនេះទៅទៀត អ្នកលក់ក៏មិនមានអនាម័យគ្រប់គ្រាន់ផងដែរ។

៤. ទឹកដោះគោ

មនុស្សភាគច្រើន រាកដោយសារការទទួលទាទានទឹកដោះគោ គឺមិនបានដឹងខ្លួនភ្លាមៗទេថាប្រព័ន្ធរំលាយអាហាររបស់ពួកគេមិនមានសមត្ថភាពក្នុងការបំបែកជាតិស្ករដែលមាននៅក្នុងទឹកដោះគោ ឈីស ឬយោហ្គឺត។ រោគសញ្ញាទូទៅដែលកើតមានឡើងបន្ទាប់ពីទទួលទានអាហារទាំងអស់នោះចាប់ពី៣០នាទីទៅ២ម៉ោងមានដូចជា ការចង់ក្អួត ចុកពោះ ហើមពោះ ផោម និងរាករូស។

៥. ការ៉េម

ការ៉េមមានផ្ទុកជាតិផ្អែមខ្លាំងដែលអាចបង្កឲ្យមានផលប៉ះពាល់ដល់អ្នកដែលមិនអាចបំបែកជាតិផ្អែមបាន។ ហើយអាចបណ្តាលឲ្យមានបញ្ហាដល់ការរំលាយអាហារ ប្រសិនបើពួកគេញ៉ាំការ៉េមច្រើនពេក។

៦. ម្ជូរ

ម្ជូរក៏ទទួលបានការពេញនិយមក្នុងចំណោមយុវនារី ជាពិសេស សិស្សវិទ្យាល័យ។ ផ្លែស្វាយមួយផ្លែមានផ្ទុកនូវFiber៣ក្រាម ហើយការទទួលទានស្វាយ (Fiber)ជាមួយនឹងអំបិលម្ទេសអាចបណ្តាលឲ្យមានជំងឺរាករូស។ ម្យ៉ាងវិញទៀត ម្ជូរគឺជាចំណីតាមដងផ្លូវដែលគ្មានអនាម័យ គ្រប់គ្រាន់នោះទេ។

៧. ប្រហិត

ការលាយបញ្ចូលគ្នានៃម្សៅ សូដ្យូម និងប្រេងនៅក្នុងប្រភេទអាហារបំពងមួយនេះងាយនឹងធ្វើឲ្យអ្នកទទួលទានឈឺពោះណាស់។ ប្រហិតគឺជាចំណីតាមផ្លូវដែលត្រូវរងធូលីដី ភ្លៀង និងខ្យល់ ដែលមានផ្ទុកបាក់តេរីផងដែរ។

៨. ចំណីអាំងតាមដងផ្លូវ

ពួកយើងបានលើកឡើងជាច្រើនដងមកហើយ ប៉ុន្តែនៅតែមិនទាន់ច្បាស់លាស់នៅឡើយ។ នៅតាមដងផ្លូវ គឺពោរពេញទៅដោយ បាក់តេរី និងមេរោគជាច្រើនដែលអាចបង្កឲ្យមានជំងឺរាករូស ដូច្នេះ ប្រសិនបើអ្នកចូលចិត្តទទួលទានចំណីអាហារនៅកន្លែង ដែលមានរថយន្ដឆ្លងកាត់ និងនៅជិតមាត់លូ អ្នកគួរតែត្រៀមខ្លួនឲ្យហើយជាស្រេចជាមួយនឹងជំងឺរាក។

៩. ស្រាបៀរ

ជាតិអាល់កុលអាចធ្វើឱ្យរលាកស្រទាប់នៃពោះវៀនរបស់អ្នកដែលប៉ះពាល់ដល់មុខងាររបស់ ពោះវៀនក្នុងការស្រូបយកជាតិទឹក។ ទទួលទានគ្រឿងស្រវឹងបណ្តាលឱ្យទឹកជ្រាបពីក្រពះទៅ ពោះវៀនលឿនដែលធ្វើឱ្យពោះវៀនកន្ត្រាក់ខ្លាំងនិងញាប់ជាងធម្មតាដែលអាចធ្វើឲ្យអ្នករាក។

ប្រសិនបើអ្នកធ្លាប់បានញ៉ាំឬផឹកអ្វីដែលមិនល្អហើយមានការរមូលក្រពះ ឈឺពោះ និងបន្ទោរបង់ ញឹកញាប់ជាងមុន អ្នកអាចបញ្ឈប់រោគសញ្ញារាក និងព្យាបាលមូលហេតុរបស់វាជាមួយនឹងឱសថ ដែលអាចទុកចិត្តបានព្រមទាំងអាចរកទិញបាននៅគ្រប់ឱសថស្ថានក្នុងប្រទេសកម្ពុជា។

ទទួលទានទឹកឲ្យបានច្រើនជាងមុន កាត់បន្ថយរោគសញ្ញារាក ខណៈពេលកំពុងកម្ចាត់ជាតិពុលបាក់តេរី វីរុសចេញពីពោះវៀនរបស់អ្នកដោយមិនបារម្ភពីការទល់លាមក។ ទុកវាជាមួយអ្នកគ្រប់ទីកន្លែងដែលអ្នកទៅ ទាំងនៅក្នុងកាបូប ទាំងនៅផ្ទះដោយកុំទុករហូតដល់យឺតពេល។ អ្នកនឹងបានធូរស្រាលច្រើនជាងមុនយ៉ាងឆាប់រហ័ស។

១០. សាច់ឆៅ ឬ សាច់ដែលចម្អិនមិនបានឆ្អិនល្អ

តើអ្នកដឹងទេថាការញ៉ាំអាហារ ដែលចម្អិនមិនបានល្អដូចជាភ្លាសាច់គោអាចធ្វើឱ្យកើត ជំងឺរាក ចុកក្អួត និងឈឺក្រពះ។ រោគសញ្ញាទាំងនេះអាចកើតឡើងចន្លោះពី ២ ទៅ៨ ថ្ងៃបន្ទាប់ ពីការបរិភោគហើយអ្នកអាចនឹងឈឺរហូតដល់មួយសប្តាហ៍។

ប្រសិនបើអ្នកគិតថាអត្ថបទនេះមានប្រយោជន៍ ហើយចង់ទទួលបានគន្លឹះខ្លីៗ ដែលមាន អត្ថប្រយោជន៍ពីសុខភាពប្រចាំសប្តាហ៍ សូមជួយ like និង follow ទំព័រហ្វេសប៊ុករបស់យើង Home Medicine powered by IPSEN ៕

អត្ថបទ៖ ថា ម៉ាលីដា

ពាក្យទាក់ទង