កំហុសធំមួយរបស់ប្រធានក្រុម Arsenal ធ្វើឲ្យអ្នកគាំទ្របន្ទោសហុយផ្សែង
- 2019-10-01 03:23:38
- ចំនួនមតិ 0 | ចំនួនចែករំលែក 0
កំហុសធំមួយរបស់ប្រធានក្រុម Arsenal ធ្វើឲ្យអ្នកគាំទ្របន្ទោសហុយផ្សែង
ចន្លោះមិនឃើញ
ក្រុមអ្នកគាំទ្ររបស់ Arsenal បានបន្ទោសប្រធានក្រុមថ្មី Granit Xhaka បន្ទាប់ពីគេបានឱនក្បាលចុះក្រោម ពេលដែល Scott McTominay របស់ Man Utd ទាត់សំដៅទី ធ្វើឲ្យមានគ្រាប់បាល់។
នៅជិតចប់វគ្គទីមួយ ម្ចាស់ផ្ទះ Man Utd រកបានគ្រាប់បាល់មុន ដោយកីឡាករ McTominay ទាត់ចេញពីក្រៅប្រអប់គ្រោះថ្នាក់ ខណៈ Xhaka បានឱនក្បាលចុះព្យាយាមគេចបាល់។ ចំណុចនេះបាននាំចិត្តអ្នកគាំទ្រ Arsenal មួយចំនួនខឹងជាខ្លាំង។
Xhaka ទើបតែត្រូវលោក Unai Emery តែងតាំងជាប្រធានក្រុមថ្មីកាលពីថ្ងៃសុក្រសប្ដាហ៍មុន ប៉ុន្តែអ្នកគាំទ្រមិនរីករាយនឹងកំហុសរបស់គេកាលពីយប់មិញឡើយ។ អ្នកគាំទ្រម្នាក់បាននិយាយឌឺទៅកាន់ Xhaka ថា ប្រធានក្រុមពិតល្អនិងឆ្លាតណាស់ ដែលបាល់គេស៊ុតឱនក្បាលចុះ។
យ៉ាងណាលទ្ធផល ១-១ មិនអាក្រក់ពេកទេសម្រាប់ Arsenal ពោលពួកគេបានឡើងមកឈរលេខ៤នៅតារាងពិន្ទុ Premier League៕