នេះហើយ គំរូផ្ទះតម្លៃជាង២ម៉ឺនដុល្លារ សម្រាប់គ្រួសារមានចំណូលក្រោម ៥០០ដុល្លារ

2017-12-22 02:04:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្ទះតម្លៃមធ្យមដែលបង្ហាញវត្តមានដំបូងគេនៅកម្ពុជាបានរំលេចផ្ទះគំរូ មើលទៅពិតជាគួរឲ្យទាក់ទាញសម្រាប់គ្រួសារថ្មីថ្មោងនិងមានចំណូលមធ្យមរស់នៅក្នុងជីវភាពដ៏សមរម្យនៅទីប្រជុំជន។

ផ្ទះដែលមានតម្លៃប្រមាណជាង ២ម៉ឺនដុល្លារ ទៅ៣ម៉ឺនដុល្លារ ជាគម្រោងរបស់ក្រុមហ៊ុន World Bridge Land ស្ថិតនៅភូមិទួលក្រសាំង ឃុំរកាខ្ពស់ ស្រុកស្អាង ខេត្តកណ្តាល ចម្ងាយប្រាំបីគីឡូម៉ែត្រពីក្រុងតាខ្មៅ ដោយសាងសង់ចំនួន ២២៩៧ខ្នង។

ផ្ទះនីមួយៗមានទំហំដី ៤x ១០,៥ម៉ែត្រការ៉េ ទំហំផ្ទះ ៤ម៉ែត្រ គុណ ៧ម៉ែត្រ កម្ពស់២ជាន់ មានបន្ទប់ដេក ០២ បន្ទប់ទឹក០១។ ផ្ទះប្រភេទទី២ មានទំហំដី ៦ម៉ែត្រ គុណ ១០,៥ម៉ែត្រ ទំហំផ្ទះ ៦ម៉ែត្រ គុណ ៧ម៉ែត្រ កម្ពស់២ជាន់ មានបន្ទប់ដេក ០៣ និងបន្ទប់ទឹក ០៣។ លំហមុខផ្ទះ ១,៥ម៉ែត្រនិងលំហក្រោយផ្ទះ ២ម៉ែត្រ។ នេះបើតាមការបញ្ជាក់ពីភ្នាក់ងារលក់។

ក្រុមហ៊ុនបានដាក់បង្ហាញផ្ទះគំរូ ដែលលោកអ្នកអាចទៅទស្សនាដោយផ្ទាល់ នៅសង្កាត់ចាក់អង្រែ ទីតាំងមិនឆ្ងាយប៉ុន្មានពីស្ពានអាកាសក្បាលថ្នល់៕