តោះ! ស្វែងយល់ការចិញ្ចឹមកូនជនជាតិអាស៊ី និងបស្ចិមលោកខុសគ្នាម៉េចខ្លះ

2017-12-23 08:20:28
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលនិយាយដល់ឪពុកម្តាយអាស៊ី ពិសេសចិន គេតែងនិយាយអំពីទម្លាប់នៃការចិញ្ចឹមកូនតាមបែបគ្រប់គ្រងទុកដាក់ តឹងរឹង និង ផ្តាច់ការ។ នេះបើតាម Global Times។

ហេតុអ្វីបានជាឪពុកម្តាយជនជាតិចិន ឬ អាស៊ីបូព៌ាតែងមានវប្បធម៌ទាំងនេះក្នុងការចិញ្ចឹមកូន? ការសិក្សាមួយដោយអ្នកចិត្ដសាស្ដ្របានលើកឡើងពីមូលហេតុទៅនឹងសំនួរនេះរួមការគ្រប់គ្រងទុកដាក់កូន៖ ទាំងនៅសាលា ក្នុងជីវិត តម្លៃផ្ទាល់ខ្លួន និង ការគាបសង្កត់តាមរបត់ប្រពៃណីសង្គមជាដើម។

៤ ចំណុចដែលឪពុកម្តាយជនជាតិអាស៊ីចិញ្ចឹមកូន ខុសពីបស្ចិមលោក៖

ឲ្យតម្លៃអាស្រ័យស្នាដៃកូនៗ

អ្នកស្រី Amy Chua ជនជាតិអាមេរិកដើមកំណើតចិន និង ជាសាស្រ្តាចារ្យច្បាប់នៅសាកលវិទ្យាល័យ Yale បានសរសេរនៅក្នុងសៀវភៅដែលមានចំណងជើងថា "ម្តាយខ្លា Tiger Mother”។ អ្នកស្រីរៀបរាប់ពីរបៀបចិញ្ចឹមកូនស្រីទាំង២របស់អ្នកស្រីតាមវិធីកំណាច ដូចជាស្តីបន្ទោសថា "ខ្ជិល កំសាក មិនចេះទទួលកំហុស" ជាដើមនៅពេលពួកគេមិនព្រមធ្វើកិច្ចការសាលា។

ឪពុកម្តាយកាន់តែមានអារម្មណ៍ថា ការគិតរបស់ពួកគេមានឥទ្ធិពលទៅលើការអនុវត្តរបស់កូនៗ។ ពួកគេកាន់តែដាក់សម្ពាធកាន់តែខ្លាំង និងត្រូវធ្វើអ្វីៗគ្រប់យ៉ាងដើម្បីជំរុញកូនៗ។

ទម្លាប់មួយទៀតរបស់ឪពុកម្តាយអាស៊ីតែងប្រៀបធៀបកូនថាមិនល្អដូចអ្នកនេះ អន់ជាងអ្នកនោះ ខណៈអ្នកជំនាញយល់ថា ការប្រៀបធៀបទាំងនេះនឹងកាន់តែដាក់សម្ពាធទៅលើផ្លូវចិត្តកូន ដែលមិនមែនជាបច្ច័យល្អដល់ការលូតលាស់ដល់ការគិតរបស់កូនៗឡើយ។

កុហកដើម្បីឲ្យល្អ

ប្រភពនេះបន្តថា បើនិយាយពីតួលេខកុហក គេរកឃើញថា ឪពុកម្តាយអាស៊ីកុហកច្រើនជាងអឺរ៉ុប។ ឧទាហរណ៍ "បើមិនញ៉ាំបាយ បោះតាមបង្អួចទៅក្រៅ" ជាដើម។ ប៉ុន្តែបើនិយាយពីពាក្យកុហក ដើម្បីជម្រុញលើកទឹកចិត្ត ឪពុកម្តាយអឺរ៉ុបចូលចិត្តកុហកកូនៗ។ ឧទាហរណ៍ "មិនអីទេ លើកក្រោយនឹងធ្វើបានល្អជាងហ្នឹង"។

គំនាបសង្កត់ផ្លូវចិត្ត

ការសិក្សាជាច្រើនបានរកឃើញថា ការគ្រប់គ្រងរបស់ឪពុកម្តាយច្រើនពេក អាចនឹងធ្វើឱ្យបង្អាក់ការអភិវឌ្ឍផ្នែកផ្លូវចិត្តរបស់កុមារ ធ្វើឱ្យពួកគេមានជំងឺធ្លាក់ទឹកចិត្ត និង ឲ្យតម្លៃខ្លួនឯងទាប។

ឪពុកម្តាយជាច្រើនពិសេសជនជាតិចិនមាននិន្នាការរៀបចំទុកដាក់ទាំងស្រុងនូវការរស់នៅរបស់កូនៗ ដែលនេះនឹងក្លាយជាទំនាក់ទំនងមិនល្អមួយរវាងឪពុកម្តាយ និង កូនៗ។ Florrie Fei-Yin Ng សាស្ត្រាចារ្យចិត្តសាស្ត្រនៅសកលវិទ្យាល័យ Chinese Hong Kong។

ទោះជាយ៉ាងណាក៏ការចូលរួមរបស់ឪពុកម្ដាយនៅក្នុងជីវិតកូន ៗ មិនមែនតែងតែជារឿងអាក្រក់នោះទេ ដូចជាការជ្រោមជ្រែងរបស់ពួកគេ បានជួយបង្កើនការសិក្សាដល់កូនៗ។

កត្តាវប្បធម៌

មានកត្តាមួយចំនួន ដែលឪពុកម្តាយអាស៊ីគ្រប់គ្រងកូនយ៉ាងតឹងរឹង ដូចជា៖ ប្រពៃណីសង្គមដែលទាមទារការគោរព ពិសេសប្រសិនបើពួកគេរៀបចំជីវិតកូនៗឲ្យបានល្អប្រសើរ ឪពុកម្តាយនឹងអាចពឹងផ្អែកលើកូនៗបានវិញនៅពេលពួកគេចាស់ៗទៅ។ ផ្ទុយពីអាស៊ី គោលគំនិតចម្បងរបស់ឪពុកម្តាយនៅអឺរ៉ុប គឺ "បណ្តុះគំនិតឯករាជ្យក្នុងការគិត" ដើម្បីឲ្យកូនៗអាចរស់នៅទោះជាគ្មានពួកគេ៕

ប្រភព៖ Global Times ប្រែសម្រួល៖ សុខ លាងហ៊ត