USB-C Storage កុំមើលរូបរាងខាងក្រៅ ខាងក្នុងអាចផ្ទុកបានរហូត 1TB

2018-01-17 01:27:01
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅ CES ២០១៨ ក្រុមហ៊ុន Western Digital បានបង្ហាញឧបករណ៍ Brand របស់ SanDisk ជាច្រើន ក្នុងនោះក៏មាន USB-C External Storage stick ទំហំតូចជាងគេ តែសមត្ថភាពផ្ទុកទិន្នន័យបានដល់ទៅ 1TB។

ក្រុមហ៊ុន Western Digital បានបញ្ជាក់ថា នេះគ្រាន់តែជាគំរូ ដូច្នេះមិនទាន់ដឹងកាលបរិច្ឆេទចេញ និងតម្លៃនោះទេ។

Drive របស់ SanDisk នឹងអាចប្រើបានជាមួយ ទូរសព្ទ, Laptop និង Desktop ដែលអាចភ្ជាប់ទៅនឹង USB-C បាន។

ទំហំ Device តូចតែមានសមត្ថភាពធំ ងាយស្រួលដាក់តាមហោប៉ៅ។ យ៉ាងណាមិញ ពុំទាន់ដឹងពីល្បឿន Read និង Write ទិន្នន័យនោះទេ ខណៈ USB-C port អាចប្រើបញ្ជូនទិន្នន័យបានដល់ 5Gbps។

តម្លៃលក់រាយរបស់ Prototype អាស្រ័យលើប្រភេទបច្ចេកវិទ្យា Flash។ External SSD ជាច្រើនលក់លើទីផ្សារមាន Storage ទំហំ 1TB ដូចជា Samsung T5 Portable SSD មានល្បឿន Read និង Write ដល់ទៅ 540MB ក្នុងមួយវិនាទី។

Dell Portable Thunderbolt SSD អាស្រ័យលើបច្ចេកវិទ្យា Storage ដូចគ្នាប្រើក្នុង Desktop និង Laptop អាចមានល្បឿន Read និង Write បានដល់ 2650MB ក្នុងមួយវិនាទី។ ចំពោះ Thunderbolt 3 អាចបញ្ជូនទិន្នន័យបានដល់ទៅ 40Gbps ឬ 5000MB ក្នុងមួយវិនាទី។

SanDisk មាន Storage drive មួយចំនួនអាចភ្ជាប់ប្រើ USB-C មានដូចជា Ultra USB Type-C Flash Drive មានទំហំពី 16GB ដល់ 128GB ប្រើ USB3.1 ជំនាន់ទី ១។ មួយទៀតគឺ Ultra Dual Drive USB Type-C របស់ SanDisk មានទំហំពី 16GB ដល់ 256GB ក៏ប្រើ USB3.1 ជំនាន់ទី១ ផងដែរ៕