Mariah Carey ត្រូវគេប្ដឹងទារសំណង ៣លានដុល្លារព្រោះបញ្ហាទាំងនេះ

2018-01-19 10:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងជើងចាស់ Mariah Carey ត្រូវបានគេប្ដឹងទារសំណង ៣លានដុល្លារទាក់ទងនឹងបញ្ហាលុបចោលគម្រោងសម្ដែងច្រើនកន្លែង។

Mariah Carey

ឯកសារតុលាការ ទទួលបានពីសារព័ត៌មាន The Blast បានបង្ហាញថាតារាចម្រៀងវ័យ ៤៧ឆ្នាំរូបនេះ បានលុបចោលការសម្ដែងនៅប្រទេស ឈីលី និងអាហ្សង់ទីន នៅខែតុលាឆ្នាំ ២០១៦។ លទ្ធផលប៉ះពាល់ពីការលុបចោលនោះ បានធ្វើឲ្យក្រុមហ៊ុន Fenix Entertainment ទាមទារនូវសំណង ៥០ម៉ឺនដុល្លារបាត់បង់ពីការចំណាយលើការផ្សព្វផ្សាយ។

ផ្ទុយទៅវិញ តារារូបនេះបែរជាមិនខ្វល់នឹងការប្ដឹងផ្ដល់នេះហើយឆ្លើយតប ដោយប្រើប្រាស់បណ្ដាញសង្គម Twitter។ Mariah បានសរសេរដូច្នេះថា៖ "ពិតជាគួរឲ្យសោកស្ដាយណាស់ចំពោះគម្រោងសម្ដែងរបស់ខ្ញុំនៅប្រទេសឈីលីនិងអាហ្សង់ទីន និងប្រេស៊ីល។ អ្នកគាំទ្ររបស់ខ្ញុំគួរតែបានអ្វីល្អជាងនេះជាជាងពួកអ្នកផ្សព្វផ្សាយទាំងនោះផ្ដល់ឲ្យពួកគេ។"

ពេលនេះក្រុមហ៊ុន Fenix Entertainment កាន់តែខឹងសម្បារមួយកម្រិតទៀតដោយ ប្ដឹងទាមទារទឹកប្រាក់ ២លានដុល្លារតាមរយៈតែសារដែលបង្ហោះលើបណ្ដាញសង្គម Twitter នោះតែម្ដង។

ក្រៅពីនោះក្រុមការងារនាងប្រទះនឹងហេតុការណ៍ជាច្រើន ដូចជាអតីតអង្គរក្សនាងត្រូវចោទប្រកាន់ពីបទបៀតបៀនផ្លូវភេទ និងបញ្ហាជាច្រើនទៀត បូកសរុបនឹងតម្លៃប្ដឹងផ្ដល់ទាំងអស់ខាងលើគឺមិនតិចជាង ៣លានដុល្លារនោះទេ។

មកដល់ពេលនេះអ្នកតំណាង Mariah មិនទាន់បញ្ជាក់ពីដំណោះស្រាយផ្សេងៗជុំវិញការប្ដឹងផ្ដល់ទាំងនេះនៅឡើយ៕

អានអត្ថបទ៖

ប្រភព៖ pagesix ប្រែសម្រួល៖ ធារ៉ូ