មកដឹងពីម៉ោងសែនហេងបំផុត និងផ្លែអីខ្លះត្រូវសែនឲ្យមានលាភ នៅថ្ងៃចូលឆ្នាំចិន ២០១៨

2018-02-03 10:33:09
ចំនួនមតិ 0 | ចំនួនចែករំលែក 0

ចន្លោះមិនឃើញ

បុណ្យចូលឆ្នាំចិន នឹងចូលមកដល់នៅថ្ងៃទី ១៥-១៦-១៧ កុម្ភៈនេះហើយ ឯថ្ងៃសែនចូលឆ្នាំចិនវិញ គឺប៉ះចំថ្ងៃព្រហស្បតិ៍ ទី ១៥ កុម្ភៈ។ ចំពោះម៉ោងសែន អ្នកអាចសែនពេលណាក៏បាននៅថ្ងៃហ្នឹង តែបើតាមក្បួនហុងស៊ុយវិទ្យាសាស្ត្រ គេមានម៉ោងហេងបំផុតដែលត្រូវសែន ព្រមទាំងផ្លែឈើអ្វីខ្លះអាចដាក់សែនទៅ កាន់តែនាំលាភសំណាង។

អ្នកគ្រូ ឡុង ណាលី អគ្គនាយិកាស្ថាប័ន ម៉ាស្ទ័រ ណាលី ហុងស៊ុយ បានប្រាប់ Sabay ឲ្យដឹងថា ម៉ោងសែនដែលហេងបំផុតនៅថ្ងៃសែននោះ គឺចាប់ពីម៉ោង ១១:១៧ ព្រឹក ដល់ម៉ោង ១:១៧ រសៀល ដោយសារថ្ងៃសែនជាថ្ងៃខាល ហើយម៉ោងសែននេះ ជាម៉ោងមមី។ មមី ជាគូនឹងខាលល្អបំផុត ដូច្នេះ ចន្លោះម៉ោង ១១:១៧ ព្រឹក និងម៉ោង ១:១៧ រសៀល ជាវេលាល្អបំផុតនៅថ្ងៃទី១៥។

អ្នកជំនាញហុងស៊ុយវិទ្យាសាស្ត្ររូបនេះ បន្តថា ថ្ងៃសែន ជាធាតុដីមកជាមួយធាតុឈើ ឯម៉ោងសែនខាងលើ ជាធាតុដី មកជាមួយធាតុភ្លើង អ៊ីចឹងផ្លែឈើដែលល្អបំផុតនាំលាភសំណាង គឺ ផ្លែឈើធាតុដី (មានពណ៌លឿង ដូចជា ស្វាយទុំ...) ផ្លែឈើធាតុឈើ (មានពណ៌បៃតង ដូចជា ក្រូចពោធិ៍សាត់ ទំពាំងបាយជូរពណ៌បៃតង...) និង ផ្លែឈើធាតុភ្លើង (មានពណ៌ក្រហម ដូចជា ទំពាំងបាយជូរពណ៌ក្រហម ប៉ោមពណ៌ក្រហម...)។ ឯផ្កាវិញ គឺផ្កាពណ៌លឿង លាយពណ៌ក្រហម ថែមដើមរាសីពណ៌បៃតង ជាការស្រេច។

ទោះបីយ៉ាងណាក៏ដោយ ចំពោះម៉ោងសែន អ្នកអាចសែនម៉ោងណាក៏បាន ប៉ុន្តែម៉ោងខាងលើ គឺជាម៉ោងល្អបំផុត។ នេះបើតាមការបញ្ជាក់របស់គ្រូហុងស៊ុយ ណាលី។

ស្ថាប័ន ម៉ាស្ទ័រ ណាលី ហុងស៊ុយ មានសេវាកម្មហុងស៊ុយ៖